آشعة صبغة الرحم من الآشعة اللي بتطلب كتير جدا من السيدات كإجراء طبي للاطمئنان على صحة المرأة، واللي بتكون مصدر قلق، وتبدأ المريضة تدخل على الجروبات المختلفة تسأل وتقول “احكولي تجاربكم مع اشعة الصبغة للرحم” غير أسئلة تانية كتير بتبدأ تشغل البال زي مثلا آشعة الصبغة للرحم والجماع و تكلفة أشعة الصبغة للرحم و أضرار أشعة الصبغة على الرحم، لذلك قررنا نجاوب على كل الأسئلة دي وأكتر في المقال ده كجزء من دورنا في التوعية بصحة العلاقات و الصحة الجنسية .
اقرأ أيضا: طرق طبيعية لتنظيف الرحم بعد الدورة الشهرية
يعني إيه آشعة الصبغة للرحم
في حالة تكرار الإجهاض أو تأخر الإنجاب، الطبيب بيطلب آشعة بالصبغة على الرحم عشان يقدر يفهم الوضع بصورة أوضح، الآشعة دي عبارة عن فحص بيتم بالآشعة السينية، عشان الدكتور يقدر يعرف معلومات أكبر عن حالة الرحم وقنوات فالوب الصحية، بتكون عبارة عن قسطرة رفيعة بيتم إدخالها جوه عنق الرحم، ومن خلالها بيتم حقن سائل متباين اللون (الصبغة) عشان الطبيب يقدر يتتبع شكل تجويف الرحم وقناة فالوب، ويخليها واضحة في صور الأشعة السينية، وبيتم عمل فيديو كامل لداخل الرحم مش مجرد صورة ثابتة، وفايدة الآشعة دي إنها بتحدد بوضوح هل غي أي انسداد حاصل جوه الجهاز التناسلي للست أو لا، كمان بتوضح مشاكل تانية كتير في الرحم إذا كانت موجودة أو لأ.
المشاكل اللي بتكشفها آشعة الصبغة على الرحم
مشاكل محتملة كتير جدا ممكن تكون موجودة ومش واضحة بالآشعة العادية، لكن الآشعة بالصبغة بتكون دقيقة جدا، وبتوضح أي حاجة مش طبيعية جوه الرحم، سواء كان وراثية أو مكتسبة عند الست ومن المشاكل دي:
- وجود انسداد في قنوات فالوب
- وجود أنسجة زايدة في الرحم
- وجود ألياف في الرحم
- وجود أورام أو أكياس في الرحم
- الاطمئنان على قناة فالوب بعد عملية جراحية.
بيحصل إيه قبل آشعة الصبغة؟
سيدات كتير بتحكي قد إيه الآشعة دي مؤلمة، وهي في الواقع مش مريحة، لكنها محتملة بالمسكنات وبتعدي لأن فوايدها أكتر من عيوبها، المهم تتأكدي إن الدكتور وصفلك مضاد حيوي بعدها لتجنب أي التهابات او عدوى، لكن الأكيد إن أكتر سبب هيخليكي تتعبي وتتوجعي هو التوتر والقلق لذلك تجنبيهم.
الفحص بيبدأ مع نهاية الدورة الشهرية، عشان الطبيب يكون متأكد إن مفيش حمل، الانزعاج بيكون في البداية فقط مع دخول أداء بتساعد الطبيب يشوف عنق الرحم بوضوح، لكنه بعجد كده بيحقن مواد تساعده على تنظيف عنق الرحم وتقليل الألم، بعدها بيتشال الأنبوب وبيفضل جوه الرحم كانيولا تدخل منها الصبغة .
اقرأ أيضا: 10 استخدامات غير اعتيادية للفازلين.. جربيها
مخاطر آشعة الصبغة للرحم
ممكن تظهر بعض الأعراض الجانبية بعد الفحص بعضها محتمل وبعضها هيحتاج منك الرجوع للطبيب فورا عشان يعرف المشكلة منين، وانتي الأقدر على تحديد إذا كانت المتاعب محتملة أو لأ:
- حساسية تجاه الصبغة المستخدمة.
- التهاب بطانة الرحم أو التهاب قنوات فالوب.
- إصابة الرحم بجروح
- الشعور بألم وتشنجات تشبه إلى حد كبير تشنجات الدورة الشهرية.
- ظهور نزيف مهبلي أو إفرازات مهبلية غير طبيعية.
- الشعور بدوار ودوخة مباشرة بعد انتهاء الفحص.
- حمى وارتفاع في درجة الحرارة.
- ألم وتشنجات شديدة وحادة.
- ظهور رائحة كريهة جداً للإفرازات المهبلية.
- الإغماء.
- نزيف مهبلي قوي.
- تقيؤ.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
المصدر:
مايو كلينك
ويب طب
التعليق باستخدام حساب فيس بوك