أوقات لما بنقابل ناس بنحس إن فيه منهم اللي جذاب أكثر من غيره، وأحيانًا بنقول إن تفسير الجاذبية دي بتيجي من أبراجهم، بس يا ترى مين أبراج الرجال الأكتر جاذبية للنساء عن غيرها؟
هنا هنتكلم مع بعض عن ترتيب جاذبية الأبراج في الرجالة من الأكثر جاذبية للأقل جاذبية، هو طبعًا ده مش مقياس أساسي في الحكم، لكن أداة من الأدوات، بس أول عن آخر كل واحد فينا بتجذبه صفة معينة في الطرف التاني واللي بتشوفيه جذاب غيرك مش بيشوفوه كده والعكس صحيح، عمومًا خلينا نشوف تدرج جاذبية الرجال حسب برجهم مع بعض.
أبراج الرجال الأكتر جاذبية للنساء
-
رجل برج العقرب 23 أكتوبر – 21 نوفمبر
سبب إن رجال برج العقرب هم الأكثر جاذبية هو غموضهم، يعني بتتعاملي مع الراجل الغامض بسلامته، العيشة معاه كلها ألغاز، ده غير طبعًا إيمانهم بمعتقداتهم وأفكارهم بطريقة تخليهم يستميتوا في الدفاع عنها.
اعرفي هنا صفات رجل برج العقرب بالتفصيل.
-
رجل برج الميزان 23 سبتمبر – 22 أكتوبر
من أجمل مميزات أصحاب برج الميزان هو مدى حساسيتهم ودبلوماسيتهم في نفس الوقت، دايمًا هتلاقي رجل برج الميزان موجود معاكي في الأزمات والمواقف الصعبة، وفي نفس الوقت موجودين يسمعوكي في أي مشكلة عندك حتى لو فلسفية، اللي هو جاهز لك في أي وقت.
اعرفي هنا صفات رجل برج الميزان بالتفصيل.
-
رجل برج الثور 20 أبريل – 20 مايو
أكثر صفة جذابة في برج الثور هو قدرته على النجاح، كونه شخصية عنيدة ومثابرة بتخليه فعليًا رجل ناجح في أي مجال يدخله، وده بيخليه محط اهتمام وجاذبية غير عادية، حاجة زي ما يكون دينامو نجاح، وفي الحب عندهم كرم كبير جدًا في المشاعر والهدايا وبيحبوا يدلعوا حبايبهم جدًا.
اختيار هدايا عيد الحب حسب كل برج
-
رجل برج الحمل 21 مارس – 19 أبريل
برج الحمل أكثر ميزة فيهم هو عاطفتهم الجياشة والمندفعة، وفي نفس الوقت شغفهم غير العادي اتجاه أمور حياتهم، هتلاقي دايمًا رجل برج الحمل كله حماس وقوة ده لإنه قائد بالفطرة، قدرته على التحكم وقيادة فريق نحو النجاح مهما كانت الصعوبة رائعة، وفي نفس الوقت عاطفتهم دائمًا ملتهبة ودافية مع حبايبهم.
الأباء والأبراج: تعالى أقول لك صفات كل أب من برجه
-
رجل برج الأسد 23 يوليو – 22 أغسطس
برج الأسد ملك بمعنى الكلمة، فيه سحر لا يمكن تخطئه العين. حاجة كده بنقول عليها برنس في نفسه، ربنا خلقهم كده، بس علشان تقدري تحصلي على كل حب رجل برج الأسد وحماسه ومشاعره، لازم تعرفي إنك لازم تعامليه فعلًا على إنه ملك.
الأبراج: مواصفات رجل برج الأسد بالتفصيل
-
رجل برج القوس 22 نوفمبر – 21 ديسمبر
أحلى حاجة في رجل برج القوس إنه راجل لطيف جدًا فعلًا، وعفوي ودمه خفيف ومرح وعنده روح مغامرة عالية جدًا، يعني يكاد يكون مستحيل تحسي بالزهق معاه، مفتاحه الصدق، طول ما انتي صادقة معاه في كل جوانب علاقتكم، يبقى هيكمل معاكي.
الأبراج: مواصفات رجل برج القوس بالتفصيل
-
رجل برج الحوت 19 فبراير – 20 مارس:
الحلو جدًا في رجل برج الحوت إنه مرن، يعني ما عندهوش مشكلة في إنه يسمعك ويقدّر مشاعرك أو حتى تقلباتك بكل حب، ورغم إن أوقات يبانوا جدًا إن فيهم جزء ساذج بس الحقيقة إن عندهم خبرات وآراء حكيمة قوي تقدر تساعدك في أي مشكلة انتي بتستشيريهم فيها.
الأبراج: مواصفات رجل برج الحوت بالتفصيل
-
رجل برج العذراء 23 أغسطس – 22 سبتمبر
مين فينا يقدر يقاوم صفة الذكاء؟ الذكاء دايمًا جذاب، رجال برج العذراء من مميزاته هو قدرته على التواصل، يعني يعرف يكلمك ازاي ويقدم لك الدعم اللي انتي محتاجه ازاي، بيحب التحديات وبعيد كل البعد عن التردد.
توقعات ماغي فرح خبيرة الأبراج لسنة 2021
-
رجل برج الجوزاء 21 مايو – 20 يونيو
رجل برج الجوزاء ده تحسيه عم الحكمة في نفسه، كل كلامه وتصرفاته بتدور حوالين صفة الحكيم، فهو بيتميز إنه ذكي جدًا، مرن، وفضولي جدًا، عنده نقطة تقدير ظروف الآخرين جدًا، بس خلي بالك لسانه حاد جدًا ومش بيجامل في الغلط.
-
رجل برج السرطان 21 يونيو – 22 يوليو:
رقم واحد في صفات رجل برج السرطان إنه عفوي جدًا، عاطفي جدًا برضه وصعب تقابلي رجل برج سرطان وما يتحبش، محب وعطوف جدا مع اللي بيحبهم وفي نفس الوقت بيديهم كل الاهتمام اللي هما عايزينه.
-
رجل برج الجدي 22 ديسمبر – 19 يناير:
رجل برج الجدي هادي جدًا وصامت أغلب الوقت، لكن على الرغم من الهدوء ده، إلا إنهم عندهم قدرة تركيز على التفاصيل غير عادية، وتصميم حقيقي على تحقيق أهدافهم، مش سهل يحب ويفتح قلبه. علشان كده، لو خليتي رجل برج جدي يحبك، اعرفي إنك عملتي إنجاز كبير.
الأبراج: مواصفات رجل برج الجدي بالتفصيل
-
رجل برج الدلو 20 يناير – 18 فبراير:
رجل برج الدلو ما ينفعش ما يتقالش عليه إنه رجل غريب بجد، نظرته للحياة دايمًا مختلفة، محب وداعم ليكي مهما كانت الظروف صعبة، لطافتهم بتخليهم غير قابلين للمقاومة.
الأبراج: مواصفات رجل برج الدلو بالتفصيل
ده ترتيب أبراج الرجال الأكتر جاذبية للنساء من أكثر جاذبية للأقل جاذبية بين الأبراج المختلفة، بس ما تاخديش جزئية الأبراج كمقياس أساسي، فيه صفات تانية كتير بتجذب كل واحدة فينا في الرجل اللي بتحبه، اختاري دايمًا الصفات اللي تعجبك وتكون سبب لسعادتك في حياتك مع الرجل ده، ونقطة مهمة كمان: محدش كامل! كلنا فينا جوانب سلبية، بس بنحاول نختار الجانب السلبي اللي هنقدر نقبله ونتعايش معاه.
قولي لنا هل الصفات دي فعلًا موجودة في الرجل اللي جذبك؟
المصادر
www.cpccom.az
www.yourtango.com
www.bonobology.com
التعليق باستخدام حساب فيس بوك