محتويات المقال
تجربة الطلاق أو الانفصال عن الشريك مش سهلة على أي ست، حتى لو حياتها هتتغير للأحسن، لكن الحقيقة إن الطلاق خسارة لحاجات كتير، ومن أهم الحاجات دي المشاعر والنفسية، سواء كان الطلاق اللي مرت بيه سهل أو عن طريق المحاكم.
فإذا كان عندك صديقة بتمر بمرحلة ما بعد الطلاق، فمن حقوق الصداقة إنك تقفي جنبها في أزمتها، صحيح مش هتغيري حاجة من الواقع، بس ممكن تساعديها إنها تتعافى بشكل أسرع وبخسائر أقل، والتضامن معاها له أشكال كتيرة، منه إنك تسمعيها بدون ما تديها نصايح أو تنظري عليها، ومنه إنك تهاديها حاجات مفيدة لحالتها النفسية.
وعلشان إحنا كمان نساعدك، هنقولك على أجمد أفكار هدايا لصاحبتك اللي لسه متطلقة أو مفركشة طازة:
- Spa Voucher
- Day Use في فندق
- Store Voucher
- طقم مكياج
- Voucher لجراح التجميل أو طبيب الأمراض الجلدية
- خطة لرحلة صديقات
- مجوهرات مكتوب عليها خصيصًا كلمات تحفيزية
-
Spa Voucher:
spa
أكيد بعد ضغوط إجراءات الطلاق، الواحدة بتكون مجتاجة تسترخي وتريح بالها من كل اللي حصل، وأكيد الـ spa حل مناسب جدًا
-
Day Use في فندق:
Day Use
وخصوصًا لو فندق راقي ومميز، أكيد لما صاحبتك تقضي فيه يوم، هيفرق معاها كتير وفي نفسيتها، وهتفصل شوية من كل اللي حصل.
-
Store Voucher:
Shopping
الشوبنج حل سحري لكل مشاكل الستات، حتى ولو مؤقت، شوفي إيه أكتر محل صديقتك بتحب تشتري منه، وهاديها منه Voucher تدلع نفسها بالحاجات اللي بتحبها.
-
طقم مكياج:
مكياج
لو انتي عارفة إن صديقتك بتحب المكياج ومودها بيتحسن لما تستخدمه، هاديها مكياج، واطلبي منها تلبس ملابس مناسبة لسهرة وقضوا وقت حلو مع بعض ومع بقية صديقاتكم.
-
Voucher لجراح التجميل أو طبيب الأمراض الجلدية:
تجميل
هتكون هدية غير متوقعة في المرحلة دي بالذات، بس أكيد هتتبسط بيها، شجعيها تعمل حاجة تجميلية أو علاجية كانت مأجلاها.
-
خطة لرحلة صديقات:
رحلة صديقات
التغيير محبذ جدًا في مرحلة ما بعد الطلاق، فما بالك لما يكون التغيير ده في أماكن حلوة ومع ناس بتحبهم؟ أكيد هيفرق معاها جدًا، حاولي تنسقي رحلة من الصديقات المقربات سواء خارج مصر أو داخلها، ولو في الشتاء ممكن تروحوا أماكن صحراوية أو أثرية زي الأقصر وأسوان، أو أماكن فيها تلج زي سانت كاترين أو أوروبا ولبنان، ولو في الصيف فسواحل مصر والعالم مفتوحة لكم.
-
مجوهرات مكتوب عليها كلمات تحفيزية:
مجوهرات مخصصة
الدعم العاطفي ممتد المفعول للسيدة المطلقة، لأنها بتمر بلحظات ضعف وانكسار كتيرة، فمحتاجة طول الوقت حد يفكرها بقوتها وإرادتها، علشان كده هدية زي مجوهرات مكتوب عليها انتي قوية أو كلمات مشابهة، هتكون مناسبة جدًا.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
التعليق باستخدام حساب فيس بوك