أجمد 10منتجات من أيكيا لاغنى عنها في أي بيت

محتويات المقال

في حاجة غريبة في أيكيا بتحصل لأغلب الستات، وهي إنهم لما يدخلوه لازم يطلعوا شاريين منه أي حاجة، مهما كانت بسيطة، وحتى لو عندهم منها في البيت، وحتى لو مفيش عليها تخفيض، في سحر خاص في المكان بيخلينا ندفع عند الكاشير وإحنا مبتسمين ولو الأزواج موجودين بيكونوا مبسوطين هما كمان، أو بيكونوا بيشتروا شاورما على ما يجي دورك عند الكاشير.

ولما حصل الحجر الصحي في الموجة الأولى لفيروس كورونا، أيكيا عمل التوصيل مجاني، فطبعا كان الإقبال على التسوق الاليكتروني تاريخي يا فندم.

ولحد ما نعرف التفسير العلمي للي بيحصل لنا لما بندخل أيكيا، هنقولك على أجمد 10 منتجات لا غنى عنهم من أيكيا، علشان تتسوقي وانتي ضميرك مرتاح:

أولًا: منتجات للبيت:

غطاء المايكرويف:

أجمد 10 منتجات من أيكيا

لما سألنا أمهات راحة بالي عن أكتر منتج استفادوا منه من أيكيا، حصل إجماع على غطاء المايكرويف، وكل تجاربهم بتقول إنه بيحافظ على الأكل من الجفاف في المايكرويف، وبيحافظ على نضافة المايكرويف.

وتقدري تشوفي عنه تفاصيل أكتر من هنا:

https://www.ikea.com/eg/ar/p/prickig-microwave-lid-grey-70186090/

سجادة الحمام:

أجمد 10 منتجات من أيكيا

أجمد 10 منتجات من أيكيا

كتير مننا مش بيحبوا طقم الحمام الكامل، وبيبدلوه بسجادة واحدة خفيفة للحمام، ومن تجربتي فإن أحسن سجادة للحمام هي سجادة أيكيا، لإنها بتدخل الغسالة بكل بساطة، وخامتها ثابتة على الأرض إلى حد كبير، وضهرها مش بيشقق زي الخامات التانية، ألوانها منوعة وتناسب لون حمامك.
وعشان تعرفي كل ألوانها تقدري تشوفيها من هنا:

https://www.ikea.com/eg/ar/p/toftbo-bath-mat-grey-white-melange-90422251/