الفوتوسيشن للخطوبة والزفاف مش صور تقليدية للمناسبة السعيدة، لكن هو جزء من صناعة ذكريات العروسين، وكلنا بنعقد ندور على أفضل أماكن لتصوير فوتوسيشن الخطوبة أو الفرح، علشان كده اختيار مكان مميز ومريح بيكون مهم جدًا في اليوم ده، والاختيار بيرجع لذوق كل عروسين، فمثلًا في الناس اللي بتحب الأماكن الأثرية، وناس بتحب الأماكن الخضراء والطبيعية، وممكن اتنين تانيين يحبوا الأماكن الفخمة والعريقة وهكذا، وكل مكان من الأماكن دي تكلفة عمل الفوتوسيشن فيه بتختلف، فممكن عرسان يختاروا على أساس مقدرتهم المادية المخصصة للبند ده، ودلوقتي هنساعدكم في الاختيار وهنقولكم على أجمد 10 أماكن أماكن لتصوير فوتوسيشن الخطوبة والزفاف، ونصايح عامة قبل ما تعملوا فوتوسيشن.
أجمد 10 أماكن لتصوير فوتوسيشن الخطوبة والزفاف
- قصر البارون
- قصر محمد علي في المنيل
- قصر عائشة فهمي
- حديقة الأزهر
- حديقة الأسرة
- حديقة الميرلاند
- حديقة الأندلس
- فندق مينا هاوس
- فندق كمبينسكي
- شارع المعز
قصر البارون
قصر البارون – أماكن لتصوير فوتوسيشن الخطوبة والزفاف
رسوم التصوير في قصر البارون
- ميزته وجوده في مصر الجديدة، وده موقع قريب من أماكن كتير ومن قاعات الأفراح.
قصر محمد علي في المنيل
قصر محمد علي في المنيل – أماكن لتصوير فوتوسيشن الخطوبة والزفاف
- مكانه في جزيرة الروضة، ومبني على الطراز الإسلامي ومساحته كبيرة جدًا ومنوعة ما بين الحدائق والعمارة.
قصر عائشة فهمي
قصر عائشة فهمي
- القصر طرازه إيطالي، وموقعة على النيل مباشرة في الزمالك، وفيه سلالم وأماكن كتير مناسبة للفوتوسيشن.
نصائح مهمة ليكي لو انتي أم سينجل Single Mom: أسئلة هامة قبل الاتفاق على الجواز
حديقة الأزهر
حديقة الأزهر – أماكن لتصوير فوتوسيشن الخطوبة والزفاف
حديقة الأزهر
- من الحدائق المميزة جدًا في القاهرة، وموقعها متوسط وممتاز.
- صفحة الحديقة على الفيسبوك: https://www.facebook.com/alazharparkcairo/
حديقة الأسرة
حديقة الأسرة – تصوير فوتوسيشن الخطوبة والزفاف
- قريبة جدًا من مدينة الرحاب، والوصول لها من طريق السويس، ممكن تكون بعيدة شوية بس الطريق لها ممتاز
- صفحتهم على الفيسبوك: https://www.facebook.com/FamilyPark.NewCairo/
حديقة الميرلاند
حديقة الميريلاند – تصوير فوتوسيشن الخطوبة والزفاف
- موجودة في مصر الجديدة، واتطورت جدًا وبقت جميلة ومميزة.
حديقة الأندلس
حديقة الأندلس
- وطرازها باين من اسمها، وده أجمل حاجة بتميزها، ومناسبة جدًا لأي عروسين حابين يضيفوا لمسة أندلسية للفوتوسيشن، هي عباره عن جزئين، جزء جنوبي عربي أندلسي، وجزء شمالى فرعوني.
- مكانها في الزمالك آخر كوبري قصر النيل يمين.
فندق مينا هاوس
فندق مينا هاوس – تصوير فوتوسيشن الخطوبة والزفاف
- بيطل على أهرامات الجيزة، وهو ضمن سلسلة فنادق “الماريوت” والمشهد وقت الغروب هناك خرافي مع الأهرامات.
- الموقع الرسمي للفندق: https://www.marriott.com/hotels/travel/caimn-marriott-mena-house-cairo/
فندق كمبينسكي
فندق كيمبنسكي – تصوير فوتوسيشن الخطوبة والزفاف
- بلونه الأزرق المميز، مناسب جدًا للفوتوسيشن، وموجود في الطريق للتجمع الأول.
- ده الموقع الرسمي للفندق: https://www.kempinski.com/ar/cairo/royal-maxim-palace-kempinski-cairo/
شارع المعز
شارع المعز – تصوير فوتوسيشن الخطوبة والزفاف
- شارع المعز أكتر شارع فى القاهرة ومصرمليان تحف أثرية من العصور الوسطى ومن العصر المملوكى بالذات، موجود في منطقة الأزهر وسط القاهرة.
نصايح عامة قبل ما تعملوا فوتوسيشن الخطوبة أو الفرح
- حددوا ميزانيتكم قبل ما تختاروا المكان.
- اختاروا الأماكن المناسبة للميزانية دي، والمناسبة لذوقكم انتو الاتنين، لإن مينفعش واحد فيكم ميكونش مرتاح في الفوتوسيشن.
- راعوا حالة الطقس كويس جدًا، واعرفوا من قبلها توقعات الأرصاد إيه، علشان متتفاجئوش بمطر أو رياح.
- لو في الصيف، حاولوا يكون في أماكن مكيفة أو الجو فيها معقول، خصوصًا إن فستان العروسة وبدلة العريس بيكون كلبس تقيل في الصيف.
- اختاروا فوتوجرافر مش “مأفور” علشان الصور تطلع عفوية ومريحة قدر الإمكان.
- اعملوا الفوتوسيشن قبل ميعاد الفرح بوقت كافي، علشان تكونوا براحتكم.
وألف ألف مبروك.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
التعليق باستخدام حساب فيس بوك