عارفة لما تقعدي على مسلسل حلو يشدك فتقرري تشغلي حلقة ورا حلقة وموسم ورا موسم فتحسي نفسك دخلتي البلاك هول فاقدة الحس بالوقت والحس بكومة الغسيل المتلتل والهوموورك ما تعملش بعد ما لسانك دلدل.. لو من محبي نتفليكس وزهقانة ونفسك تتفرجي على مسلسل يشدك فانسي النوم واتقبلي هالاتك السودا عشان هاقول لك على 10 مسلسلات على نتفلكس تتفرجي عليهم هيخلوكي تخلصيهم في وقت قصير.
أفضل 10 مسلسلات على نتفلكس
- The Crown
- Designated Survivor
- Homeland
- Anne with an E
- Atiye
- Emily In Paris
- Firefly Lane
- How to get away with murder
- The Queen Gambit
- Narcos
مسلسل The Crown
أفضل مسلسلات نتفلكس 2021
ناس كتير فاكرة إن الملكية تاج وفساتين حلوة وحفلات بس الحقيقة حياتهم مش كده، المسلسل بيوريكي الصعوبات والقيود اللي بيواجهوها.. المسلسل بيفرجك على الفترة من بداية حكم الملكة إليزابيث ورؤساء الوزراء المختلفين زي وينستون تشرشل ومارجريت ثاتشر وكمان هتشوفي الأميرة ديانا وازاي اتعرفت على تشارلز وتعبها مع التأقلم في الحياة الملكية.
لو من عشاق الطبخ يبقى لازم تشوفي 6 أفلام لازم تشوفيهم لو بتحبي الطبخ
مسلسل Designated Survivor
أفضل مسلسلات على نتفلكس 2021
لما البيت الأبيض بيحصل عليه هجوم ورئيس الولايات المتحدة الأمريكية وكل الوزراء بيتقتلوا في الهجوم، وزير الإسكان بيتولى الرئاسة وفقًا للدستور الأمريكي وهتشوفي المؤامرات والصعوبات اللي بيتعرض لها بعد ما شغل منصبه الجديد.
أفلام تتفرجي عليها لو حامل، اتفرجي على الافلام دي
مسلسل Homeland
أفضل مسلسلات على نتفلكس 2021
لو بتحبي تتفرجي على مسلسلات الأكشن والمخابرات، المسلسل ده هيعجبك جدًا عشان بيحكي قصة عميلة الCIA كاري اللي بتحاول تقوم بشغلها بالرغم من إصابتها بمرض ثنائي القطب وبتحاول تثبت نظريتها في خيانة الضابط الأمريكي اللي رجع من العراق بعد سنين من الحبس.
مسلسل Anne with an E
مسلسلات نتفلكس 2021
مسلسل لطيف وخفيف هيطلّعك من مود الأكشن والمؤامرات، بيحكي قصة Anne ومعاناتها في ملاجىء الأيتام وحياتها الجديدة اللي هتبتدي في جزيرة Prince Edward.
مسلسل Atiye
أفضل مسلسلات على نتفلكس 2021
لو بتحبي المسلسلات التركي اتفرجي على المسلسل ده، المسلسل بيحكي قصة رسامة شابة وجميلة بتعيش حياة هادية لحد ما بيتم اكتشاف أقدم معبد أثري هتعرف فيها أسرار ماضيها.
مسلسل Emily In Paris
مسلسل Firefly Lane
مسلسل نتفلكس 2021
قصص الصحاب وعشرة العمر من المراهقة للأربعينات وازاي قدروا يواجهوا الحياة بحلوها ومرها مع بعض من غير ما يفترقوا ولا يغيرهم الزمن.
مسلسل How to get away with murder
مسلسلات نتفلكس
المسلسل بيحكي قصة أستاذة القانون اللي بتدرب 5 من طلابها الثغرات القانونية بطريقة مختلفة وإزاي المجرم بينفذ الجريمة من غير عقاب وبيتورطوا في جريمة قتل هتغير حياتهم كلهم.
مسلسل The Queen Gambit
مسلسلات نتفلكس
المسلسل بيحكي قصة Beth اليتيمة اللي اتعلمت الشطرنج في سن صغير وبقت نابغة وبتحاول مع صراعها مع الإدمان تفوز بأكبر المنافسات العالمية.
مسلسل Narcos
مسلسلات نتفلكس
المسلسل بيحكي القصة الحقيقية لبابلو اسكابار تاجر المخدرات ورجل العصابات المشهور والجهود اللي رجال الشرطة بذلوها عشان يقبضوا عليه.
هنا بقى ممكن تشوفي قائمة مسلسلات رمضان 2021 علشان تختاري هتابعي ايه السنة دي.
ملحوظة: ممكن يكون فيه بعض المشاهد غير المناسبة للأطفال بننصحك تختاري مسلسلات مناسبة أكتر لسنهم.
التعليق باستخدام حساب فيس بوك