أجمل 10 قصات شعر للوجه الدائري لصاحبات الشعر القصير والطويل

محتويات المقال

العيد قرب وبنات وستات كتير بتحب تغير من شكلها، تحب شعر أقصر، قصة شعر مختلفة وجديدة. لكن ساعات ما بتظبطش قصة الشعر على شكل الوجه وبتبقى النتيجة مش مرضية. النهارده هنقول لك أجمل وأحدث 10 قصات شعر للوجه الدائري. وكمان هنشارك معاكي نصايح لطريقة قص الشعر لو وشك مدور ودائري عشان تحصلي على أجمل طلة في العيد.

إزاي أعرف إن وشي مدور؟

عرض الجبهة قد عرض عضمتين الخد قد عرض الفك. (أو بالتقريب قد بعض، يزيدوا سنتي أو ينقصوا سنتي)
طول الوش قد عرضه. طول الوش بيتقاس من منبت الشعر في نص الجبهة، لحد نص الدقن بالظبط. أما العرض فمن الودن الودن.
مفيش زوايا حادة في وشك.

نصايح لـ قصات شعر للوجه الدائري

إضافة طول للوش هو أكتر حاجة انتي محتاجاها. وعشان كده أفضل حاجة إنك تسيبي شعرك طويل عشان يسحب النظر للطول.
لو شعرك قصير، التدريج هيفيدك جدًا لأنه هيلفت النظر وهيدي وشك شكل مميز خصوصًا لو له لون مميز.
التمويجات الناعمة صديقتك. الناعم قوي هينفعك بس لو الشعر طويل قوي أو قصير قوي (بيكسي/ألا جارسون) والكيرلي الكينكي ممكن يزود حجم الوش لو كان وشك مليان. عشان كده، بين الإتنين هو أحسن حل، التمويجات الناعمة.
القصة: القصة شيء أساسي سواء كان شعرك طويل أو قصير، لكن ابعدي عن القصة المستوية، أو اليابانية، وقربي أكتر للقصة الجانبية الطويلة اللي هتغطي جزء من الوش فتكسر تدويرته.

ممكن تشوفي هنا روتين الشعر الكيرلي: كيف تنفذيه خطوة بخطوة ؟

نصايح لـ مكياج الوجه الدائري

للحواجب: استخدمي قلم الحواجب أو بودرة الحواجب في تتقيل لون الحواجب. كمان يفضل تكون الحواجب واخدة زاوية لأن ده هيكسر الدايرة.
للعيون، ارسمي eye shadow بدرجات غامقة عشان تبيني العين أكتر.
استخدمي bronzer على الخدود (من خط الشفايف لعند الودان في خط مايل) لأن ده هيخلي وشك يبان أنحف.
جربي الألوان الأغمق في الشفايف لإن ده هيخطف العين بعيد عن شكل وتدويرة الوش.

ودلوقتي هنسيبكم مع صور لأحدث قصات شعر تناسب الوجه الدائري.