محتويات المقال
ليلة رأس السنة بتبقى وقت الاحتفالات والزيارات وفرصة للقرايب والصحاب يتجمعوا حوالين سفرة حلوة عليها كل ما لذ وطاب. عندك عزومة السنة دي في رأس السنة ومش عارفة تعملي حلويات إيه؟ راحة بالي سهلتها عليكي بتلات وصفات حلويات أحلى من بعض وبنتمنى تعجبك.
حلويات سهلة: الكريم كراميل
حلويات سهلة لـ راس السنة
المكونات
- كوب من السكر.
- ٦ بيضات.
- ٢ باكو فانيليا أو فانيليا سايلة.
- ربع كوب من المياه.
- مياه مغلية.
طريقة التحضير
- في طاسة، حطي نص كوب من السكر وعليهم ربع كوب ميه وسيبيهم على نار متوسطة وحركيهم كل فترة ولما يبقى لونه مكرمل حطيهم في القوالب اللي هتحطي فيها الكريم كراميل.
- حطي اللبن على النار لمدة ٣ دقايق.
- حطي البيض والفانيليا وبقية السكر في الخلاط واخلطيهم كويس مع بعض.
- ضيفي اللبن شوية شوية على الخليط واخلطي كويس لحد ما تخلصي كمية اللبن.
- حطي الخليط على الكراميل في القوالب.
- حطي القوالب في صينية فيها ميه سخنة وعليها الخل ودخليها الفرن على درجة حرارة ١٨٠ حوالي ساعة الا ربع.
- سيبيه يبرد ودخليه التلاجة ليلة كاملة.
حلويات سهلة: حلى القهوة
حلويات سهلة وسريعة لليلة رأس السنة
المكونات
- ربع كوب قهوة سريعة الذوبان.
- علبة بسكويت سادة كبيرة.
- علبة جبنة كريمي.
- ٢ علبة قشطة.
- ٤ معالق سكر كبيرة.
- مياه.
طريقة التحضير
- اخلطي الجبن الكريمي مع القشطة والسكر و٢ معلقة كبيرة من القهوة سريعة الذوبان.
- في طبق دوبي ميه دافية مع القهوة سريعة الذوبان وبللي البسكويت فيه.
- هاتي طبق التحضير وحطي طبقة من البسكويت وعليها طبقة من خليط الجبنة والقشطة وكرري الطبقات.
- ممكن تزيني الوجه برشة كاكاو أو شوكولاتة مجروشة.
وصفة حلي سهلة وسريعة: قرع عسلي بالبشاميل والمكسرات
حلى سهل وسريع
المكونات:
- حوالي كيلو قرع عسلي.
- 2 كوب كبير سكر.
- 2 كوب لبن.
- 4 معالق كبيرة دقيق.
- 3 معالق زبدة.
- مكسرات مشكلة.
- سمن.
- رشة قرفة.
- رشة جوزة الطيب.
طريقة التحضير
- حطي القرع مع السكر على النار لحد ما يطرى وتقدري تهرسيه واهرسي القرع كويس.
- حطي الزبدة على النار وضيفي الدقيق وقلبي لحد ما يتحول لونه دهبي.
- ضيفي الحليب على الدقيق وقلبي كويس عشان ميكلكعش وضيفي رشة القرفة وجوزة الطيب.
- هاتي صينية بايركس وادهنيها زبدة أو سمنة وحطي القرع والمكسرات وعليه البشاميل ودخليه الفرن على درجة حرارة 180.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
What’s your Reaction?
التعليق باستخدام حساب فيس بوك