محتويات المقال
الحما هي الأم التانية اللي لازم في عيد الأم نقدملها هدية مميزة متنسهاش، وعشان عارفين قد إيه اللف على الهدايا بياخد وقت ومجهود هنديكي في الموضوع ده شوية أفكار هدايا مميزة ومش تقليدية عشان تجيبيها لحماتك السنة دي في عيد الأم.
Rahet Bally 50+ Strength Program
من ضمن الهدايا غير التقليدية اللي ممكن تجيبيها لحماتك في عيد الأم هو إشتراك في برنامج راحة بالي الرياضي للسيدات فوق سن الخمسين والبرنامج مدته 3 أو 4 أسابيع وبيكون عبارة عن جلسات رياضة وجلسات يوجا ولو معاكي كارت راحة بالي هتاخدي خصم على سعر الاشتراك.
تذاكر لحفلة عمر خيرت
مصدر الصورة: Cairo360
حفلات عمر خيرت من أحلى الحفلات اللي ممكن الواحد يحضرها في دار الأوبرا المصرية والهدية دي بس مميزة، الحفلة هتفضل ذكرى حلو عند حماتك وهتقضي فيها وقت جميل وهي بتسمع مقطوعات مميزة من ذكريات قديمة زي موسيقى تتر “البخيل وأنا” و”ضمير أبلة حكمت”.
الورود والنباتات المميزة
مصدر الصورة: gate.ahram
يوم 14 مارس هيتم إفتتاح معرض زهور الربيع في حديقة الأورمان النباتية وهناك هتلاقي مجموعة مميزة جدًا من الورد والنباتات الطبيعية وكمان منافذ لبيع النحل الطبيعي، فلو حماتك بتحب الورد والنباتات ممكن تزوري المعرض وتختاري مجموعة لطيفة من قصاري الزرع والورد اللي بيدي ريحة وشكل حلو للبيت.
مجموعة العناية بالبشرة
مصدر الصورة: جوميا
لو حماتك بتحب تهتم ببشرتها، ممكن تشتري ليها مجموعة العناية بالبشرة من جونسون اللي بتعيد الترطيب والحيوية للبشرة بخلاصة ماء الورد وبيحافظ على ترطيبها لمدة 24 ساعة.
ماكينة صنع القهوة
مصدر الصورة: noon
لمحبات القهوة، الهدية دي هتكون عزيزة جدًا على قلبهم وبالذات لو بيحبوا الإسبرسو والكابتشينو فمتتردديش تجيبيها لحماتك لو هي من عشاق القهوة.
الـAir Fryer
مصدر الصورة: Newair.com
لو حماتك بتحب الأكل الصحي فالـAir Fryer هتساعدها إنها تعمل الأكل الصحي في وقت سريع.
غطا للموبايل مميز
مصدر الصورة: woodgeekstore
طبعًا الأمهات دلوقتي بقوا مهتمين بالموبايلات والآيباد زينا بضبط، فممكن تعملي غطا للموبايل مخصوص ليها عليه أسمها أو صور أحفادها.
خروجة جديدة ومش تقليدية
الخروجات الجديدة بتبقى فرصة حلوة أوي لتغيير الجو وفي يوم عيد الأم ممكن تاخدي حماتك في مكان جديد زي Mezaj World عشان تقضي يوم لطيف في جزيرة في قلب النيل.
التعليق باستخدام حساب فيس بوك