بالصور: أحدث أشكال تصميمات مطابخ ألوميتال مودرن

المطابخ الألوميتال من أنواع المطابخ المفضلة لستات البيوت، بسبب المميزات الكبيرة لخامة الألوميتال، من سهولة تنضيف، وقوة تحمل للدهون والمياه. وكان قبل كده الناس بتحب المطابخ الخشب، لإنها أشيك وأقيم. وكانت تصميمات مطابخ الألوميتال قديمة ومش محببة. لكن حاليًا بقت في تصاميم مودرن وفي منتهى الشياكة، فهتقدري تجمعي بين العملية والمميزات وما بين شياكة التصاميم. علشان كده، هنوريكي بالصور أحدث أشكال وتصميمات مطابخ ألوميتال مودرن، وهنقولك على حاجات تاخدي بالك منها وانتي بتعملي مطبخ جديد:

تجديد المطبخ القديم ..طرق سهلة وعبقرية بمزانية بسيطة

نصائح قبل عمل مطبخ جديد

اعرفي احتياجاتك كويس، وبعدين صممي على أساسها المطبخ، لإن مرات بنستغرق قوي في تصميم الكماليات، وبعد ما المطبخ يتعمل تكتشفي إنه مش مكفي حاجتك.
كل حاجة لها مكان، ودي حاجة لو اتوفرت في المطبخ بتكون مفتاح سحري للتنضيف، لإن الأسطح طول الوقت هتكون فاضية وسهلة التنضيف، وفي نفس الوقت تنضيف المطبخ من الداخل هيكون منتظم لإن مفيش كراكيب ولا حاجات مش تبع بعضها في نفس المكان.
نسقي ما بين لون المطبخ والمساحة والإضاءة، فلو مساحة المطبخ ضيقة، حاولي تختاري الألوان الهادية المريحة اللي بتدي اتساع، ولو المطبخ مش بيدخله ضوء النهار، فإنتي محتاجة تزودي الإضاءة الكهربائية وتوزعيها كويس.