محتويات المقال
صبغة الشعر من أكتر الحاجات اللي بتشغل بالنا. سواء كنوع من التغيير أو كطلة تقعد معانا السنة، افتتاح السنة بلون شعر جميل ومميز بيفتح النفس وبيدينا إحساس بالإشراقة والتألق. علشان كده جبنا لك انهارده أحدث ألوان صبغات شعر 2021 وبننصحك لو بتجربي تصبغي ألوان معينة لأول مرة، خاصة لو مش متعودة عليها أو لو هتتطلب جهد تشقير أو قص، يفضل تستثمري وتروحي لكوافير موثوق فيه عشان تضمني نتايج هايلة. ولو عندك حساسية من الصبغات، جربي صبغات شعر طبيعية.
اعرفي هنا أفضل أماكن صبغ الشعر في القاهرة بالأسعار
خصل زرقا وبنفسجي
موضة صبغات شعر 2021
مجنونة شوية؟ بس بتدي طلة منطلقة ومشرقة ومليانة طاقة. بتليق أكتر على الشعر الأسود.
صبغة شعر بني غامق مع الأسود
موضة صبغات شعر 2021
لو ما عجبتكيش الفكرة اللي فاتت، وبتفضّلي مظهر وقور أكتر، جربي تكسري اللون الأسود بلون بني وهايلايت بندقي. هتلاقي نتيجة هايلة.
لون شعر كستنائي محمر
صبغات الشعر 2021
لو ما بتحبيش التغيير القوي، وشعرك أصلًا بني، يبقى اللون المناسب ليكي هو الكستنائي المحمر، لون أشبه بالقرفة، دافي وأنيق وفي نفس الوقت هادي.
عارفة إن البنيات من أكتر الألوان اللي بتليق مع البشرة السمرا؟ اعرفي باقي الألوان هنا.
صبغات شعر بني
موضة الوان الشعر 2021
لو عايزة تغيير قوي بس في المضمون ومش هتندمي عليه، جربي تلوني شعرك بأكتر من درجة بني. فيه بني غامق مع بني فاتح مايل للون الكراميل. ده، مع قصة شعر مدرجة، هيدي تدريجة مضاعفة ولوك مميز.
لون شعر بمبي
صبغات شعر 2021
الحياة بقى لونها بمبي، وشعرك كمان! الشتا بيحب الألوان لأن معظم ألوان موضة الشتا بتكون محايدة قوي، فالأحمر بدرجاته بيكون هايل في الشعر.
لون نبيتي غامق
موضة صبغات الشعر
لو شعرك أسود وطويل، ممكن جدًا تستغلي الطول وتلوني نص الشعر اللي تحت بلون نبيتي غامق وقوي عشان يديكي شكل شيك وأنيق وأنثوي جدًا.
لون الشعر الأشقر الأبيض
ألوان صبغات الشعر 2021
درجات الأصفر دايمًا ملفتة ومحببة لستات كتير. لكن الدرجة دي من الأشقر فيها أبيض مش بس أشقر. بننصحك لو شعرك غامق قوي، بلاش تجازفي وتجربي اللون ده لو مش متأكدة لإنه هيضعف الشعر جدًا لحد ما يشيل منها كل اللون.
صبغة الفضي الدهبي
صبغات الشعر 2021
طبعًا الفضي معروف، إنما ازاي فضي دهبي؟ دي الدرجة اللي في الصورة اللي بتستخدم اللون الفضي في خصل وهايلايتس مع الشعر الأشقر.
صبغ الشعر باللون الأحمر
أحدث الوان صبغات الشعر 2021
طبعًا الشعر الأحمر موضته عمرها ما تروح، وطول الوقت بتدي تأثير جذاب وشكل رائع.
لون الشعر الآش بلوند
موضة صبغات شعر 2021
الآش بلوند لسه موضة. جربيه لو عندك خصل كتير بيضا في شعرك، أو حتى على سبيل التغيير.
التعليق باستخدام حساب فيس بوك