بالصور: أحدث أنواع الستائر المودرن للسنة دي

الستاير من القطع المهمة جدًا في البيت، مش بس عشان وظيفتها في الستر، لكن كمان وظيفتها كديكور، لإنها مش أمتار من القماش وخلاص بنحطها على الشبابيك، دي خامات من القماش المناسب، ونقشات لايقة على بقية الديكور، وألوان بتفرق في الفخامة وفي الحالة النفسية للبيت، ده غير التصميم ما بين مودرن وكلاسيك، علشان كده هنقولك على أهم نصايح اختيارك للستاير، وهنوريكي صور أحدث أنواع الستاير المودرن 2021:

هنا بقى اللي جربوا قالوا: أجمد أماكن بيع أثاث البيت بأسعار مخفضة

نصايح عند اختيار ستائر البيت

اختاري الستاير اللي تليق على البيت، مش الستاير اللي يعجلك لونها ونقشتها وخلاص.
كل أوضة ومكان في البيت لها الستاير المناسبة ليها، فستاير أوض الأطفال غير ستاير أوض النوم، غير الريسيبن والمطبخ.
اختاري الستاير بعد ما تختاري الأثاث، أو الاتنين مع بعض، لكن مش قبل.
اختاري خامات تقدري تتعاملي معاها في التنضيف.
لو هتشتري الستاير قماش، وبعدين تفصليه، فحاولي تفصليه عند حد شغله نضيف، لإن التفصيل لو مش نضيف بيبوظ شكل الستاير مهما كانت فخمة.
لازم تحددي قبل ما تشتري انتي محتاجة إيه، علشان متحتاريش في المحلات، فمثلا هل محتاجة ستاير شيفون وخفيفة، ولا ستاير تقيلة تحجب الإضاءة، وهكذا.
وانتي في المحل اختاري بذوقك، مش بذوق الموظف اللي هيتابع معاكي عملية الشراء، لكن مفيش مانع إنك تاخدي نصايحه في اعتبارك.