محتويات المقال
كل سنه مع بداية شهر رمضان بتبدأ محلات الحلويات تتسابق وتتفنن في تقديم أصناف متنوعة من الحلويات الرمضانية، منها التقليدي ومنها المبتكر جدًا، وبقى فيه تريندات كل سنة لحلويات رمضان كمان. ميكسات بين الغربي والشرقي، إضافات جديدة للكنافة والبسبوسة، طرق تقديم جديدة ومبتكرة للقطايف وبلح الشام، أطعمة ومذاقات جديدة على المصريين وافتكاسات ما لهاش عدد!
فيه منها بيكون ناجح جدًا، وبيفضل موجود كل رمضان، وعليه طلب كبير زي مثلًا الكنافة بالمانجو أو بالنوتيلا. كل سنة بنلاقيهم موجودين مع اختلافات بسيطة في طرق تقديمهم، بس الفكرة خلاص بقت أساسية كل سنة عند أغلب محلات الحلويات، وفيه بعض أفكار بتختفي لوحدها مع الوقت ومع عدم وجود إقبال عليها.
تعالوا نشوف السنة دي في رمضان 2021 إيه أحدث تريندات الحلويات الموجودة على الساحة، لكل إللي بيحبوا يغامروا ويجربوا، أكيد هتلاقوا في المقال ده حاجة تبهركم.
من House of Cocoa
بسبوسة بكريمة الفستق وكنافة بالمستكة والنوجا وكنافة التيراميسو
حلويات رمضان
كريمة الفستق من أحدث التريندات في حلويات رمضان 2021، وبتدخل في أنواع كتير من الحلويات طعمها غني جدًا ولونها مميز.
السعر: 195 جنيه
حلويات رمضان 2021
إختراع جديد للكنافة جواها نوجة وخشاف ومستكة تستحق التجربة!!!
السعر 330 جنية
كنافة تيراميسو – حلويات رمضان 2021
سعر الكنافة تيراميسو: 330 جنيه
ادخلي على اللينك ده عشان تعرفي العناوين وطرق التواصل معاهم House of Cocoa
من Dara’s Icecream
بقلاوة بالفستق والآيس كريم
حلويات رمضان
غني عن التعريف بالآيس كريم بتاعه المميز جدًا، بيقدم في رمضان بقلاوة بالآيس كريم والفستق لزوم الانتعاش.
ادخلي على اللينك ده عشان تعرفي العناوين وطرق التواصل معاهم Dara’s Ice cream
من سدرا Sedra
كنافة هاني كامب وكنافة كريم بروليه
حلويات رمضان 2021
الحقيقة سدرا السنة دي عندهم إبداعات كتير، أولها: الكنافة الهاني كامب، والهاني كامب من الحاجات التريند جدًا في رمضان 2021. الكنافة بالهاني كامب هي عبارة عن كنافة وكريمة بالعسل، وعليهم قطع كراميل كرانش بالعسل والقطع المقرمشة دي هي عبارة عن سكر مطبوخ بطريقة معينة لحد ما بيبقى هش جدًا ومقرمش ومليان بنكهة الكراميل.
حلويات رمضان – كنافة بانوفي
كمان عندهم الكنافة البانوفي ودي من الحاجات الموجودة على الساحة بقالها كذا سنة.
حلويات رمضان 2021 – كنافة كريم برولية
وكمان كنافة بالكريم بروليه ودي عبارة عن كنافة بكريم بروليه بالسكر البني المكرمل، وبتيجي في طاجن فخار كبير وأحلى ما فيها الوش المكرمل الخطير. الأسعار بتتراوح ما بين 150-180 جنيه. ادخلي على اللينك ده عشان تعرفي العناوين وطرق التواصل معاهم Sedra Egypt Dessert Shop.
من حلواني الدمياطي
المدلعة بالمانجا وكنافة سينابون وكنافة توت وفواكه
حلويات رمضان – المدلعة بالمانجا
عنده مجموعة افتكسات برضه تستحق التجربة، منها المدلعة الغنية عن التعريف بس هو أضاف عليها المانجو، فبقت مدلعة بالمانجو.
حلويات رمضان
حلويات رمضان 2021 – كنافة السينابون
كمان من الحاجات المثيرة للفضول هي الكنافة بالسينابون وكمان الكنافة بالفواكه والتوت عشان ترضي كل الأذواق.
الأسعار بتتراوح من 200-225 جنيه.
ادخلي على اللينك ده عشان تعرفي العناوين وطرق التواصل معاهم ElDomiaty Patisserie
من Nola
كنافة نوتيلا نات بومب وبقلاوة اللوتس
كنافة نات بومب – حلويات 2021
نولا اتشهرت جدًا من بالمولتن كنافة بتاعتها بأحجامها المختلفة، وقرروا السنه دي يدمرونا بقنبلة جديدة من الكنافة والشوكولاتة والبندق. الحلو في نولا هو إن دايمًا عندهم حجم صغير من كل الأصناف عشان الدايت بس يا جماعة!
حلويات رمضان 2021 – بقلاوة لوتس
وكمان نولا اختراعاتها ما وقفتش عند الكنافة، امتدت للبقلاوة زي البقلاوة باللوتس والنوتيلا ودي أصناف جديدة طازة لسه نازلة عندهم مؤخرًا. سعر الكنافة نوتيلا نات بومب في الحجم ده إللي بيكفي من 4-5 أفراد: 295 جنيه. ادخلي على اللينك ده عشان تعرفي العناوين وطرق التواصل معاهم Nola Cupcakes.
من Tortina shop
بسبوسة كريم كراميل وكنافة هاني كيك ومقلوبة
بسبوسة كريم كراميل
الهاني كيك كنافة – حلويات 2021
مقلوبة – حلويات رمضان 2021
تورتينا واحد من ملوك الاختراعات الجبارة في حلويات رمضان، عنده أكتر من صنف مفتكس منها مثلًا البسبوسة كريم كراميل، والكنافة الهاني كيك، وكمان الكنافة بالأناناس المقلوبة كلها أصناف جديدة جدًا ومختلفة.
سعر الهاني كيك كنافة: 395 جنية
سعر البسبوسة كريم كراميل: 295 جنية
سعر المقلوبة كنافة بالأناناس: 335 جنية
ادخلي على اللينك ده عشان تعرفي العناوين وطرق التواصل معاهم Tortina shop
من عبد الرحيم قويدر
عيون صفية وكنافة مغشوشة
كنافة مغشوشة ملفوفة
عيون صفية – حلويات رمضان 2021
محبي الحلويات الشرقية على أصولها طبعًا عارفين عبد الرحيم قويدر، عيون صفية من أشكال البقلاوة التريند جدًا السنة دي، شكلها مميز ويخطف العين وكمان محشية شوكولاتة، وكمان الكنافة المغشوشة الملفوفة المحشية بالقشطة والفستق، مش قلت لكم فيه ناس بتقدم الحلويات الشرقية الأصيلة بس بشياكة؟ منها عبد الرحيم قويدر. ادخلي على اللينك ده عشان تعرفي العناوين وطرق التواصل معاهم عبد الرحيم قويدر.
لوتس بوديلا من Zanobia
لوتس بوديلا – حلويات رمضان 2021
ودي عبارة عن طبقات من بودينج الرز بلبن مع سبريد اللوتس وبندق وكراميل.
السعر: 185 جنية
ادخلي على اللينك ده عشان تعرفي العنواين وطرق التواصل معاهم Zanobia Pâtisserie.
آيس كريم بنكهة الكنافة والعسل من Gelato factory
ادخلي على اللينك ده عشان تعرفي طرق التواصل معاهم منتجاتهم متوفرة من خلال خدمة الدليفري فقط Gelato factory
وبكده نكون جمعنا لكم منوعات من أحدث تريندات حلويات رمضان 2021. جربوا واحكوا لنا في التعليقات. إيه أكتر حاجة مفتكسة جربتوها وعجبتكم.
التعليق باستخدام حساب فيس بوك