“راحة الجسد تبدأ من القدمين” الجملة دي حقيقية جدًا عمومًا، وفي مرحلة الحمل خصوصًا، فما ينفعش نقلل أبدا من أهمية الحذاء المناسب للسيدة الحامل، لأن مع نمو جسمك وتغير شكله بيتغير مركز التقل بتاع الجسم وده مش بيأثر بس على طريقة المشي، لا كمان بيأثر على الضهر والساقين والرجلين، عشان كده مهم جدا تختاري حذاء مناسب لكي أثناء فترة الحمل.
ازاي تختاري الأحذية المناسبة لك أثناء الحمل؟
- أفضل حاجة ممكن تلبسيها أثناء الحمل هي الأحذية اللي سهلة في اللبس، مع مرور الوقت ودخولك في التلت الأخير من شهور الحمل هيكون الانحناء حاجة صعبة عليكي، عشان كده اختاري أحذية ينفع تلبسيها من غير ما تنحني وترهقي نفسك.
- الخبراء بينصحوا إنك تشتري أحذية مقاسها أكبر أو قابلة للتمدد، ده لأن رجلك بتتورم أثناء الحمل وده هيخلي مقاسك القديم مش مريح أبدا، المقاس الأكبر هيريح رجلك وهيخليها مسترخية أكتر.
- اختاري أحذية فيها دعم للكعب والقدم، ده مش هيريحك في المشي بس، كمان هيقلل من آلام المفاصل اللي ممكن تقابليها خلال فترة الحمل.
طرق علاج تشقق القدمين أثناء الحمل
ينفع تلبسي كعب عالي؟
- للأسف لا، لبس الكعب العالي مش مناسب أبدا أثناء الحمل، كل ما الحمل بيكبر وتكسبي وزن أكتر، مركز تقل جسمك بيتغير وده هيخليكي تمشي بشكل مش ثابت، عضلاتك ومفاصلك مش هيكونوا مرتاحين وبالتالي احتمال إنك تقعي لو لابسة كعب بيزيد، السقوط ده مش خطر بس عليك ده خطر على الجنين كمان، للأسف الكعب العالي أثناء الحمل مش حاجة حكيمة أبدا.
- من الأفضل إنك تختاري حذاء مسطح بس لو ما تقدريش تلبسيه البسي أحذية كعبها عريض ومش عالي أبدا.
- ما تلبسيش أحذية كعبها أعلى من 4 سم واتأكدي إن الكعب مش مدبب.
- حاولي تختاري أحذية بتسمح لرجلك بالتنفس وما تخليكيش تعرقي، زي الأحذية الشبكية أو القماشية وهي خيار كويس جدا.
- لو مكانش عندك مشكلة أو مانع في الصنادل، فهي خيار عظيم جدا أثناء الحمل خاصة في فصل الصيف، مسطحة ومريحة وبتسمح لرجلك بالتنفس والتمدد كمان.
- لو هتخرجي تتمشي أو تعملي شوبنج مع أصحابك فالأحذية الرياضية هي الخيار الأمثل عشان تحصلي على الدعم لرجلك والراحة في نفس الوقت.
ومع كل حامل قصة طريفة مع لبس الأحذية وخصوصًا في الفترة اللي قبل اللي ولادة، قوليلنا لو حصل معاكي موقف بخصوص لبس الحذاء وانتي حامل.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
المصادر:
What’s your Reaction?
التعليق باستخدام حساب فيس بوك