خلينا نعترف إن الرضاعة الصناعية في مجتمعنا ولسبب غير معروف بتواجه تحديات كتير، وكمان إتهامات إنها أقل فايدة من الرضاعة الطبيعية، وبتشكل مصدر ضغط حقيقي على الأم. والحقيقة إن الإتهامات دي باطلة وما لهاش أي أساس. الرضاعة الصناعية مفيدة جدًا، وأوقات بتكون ضرورة للحفاظ على حياة الطفل وإمداده باحتياجاته الغذائية اللي لبن الأم مش بيقدر يعملها. بس النهارده مش هنتكلم عن فوائد وأضرار الرضاعة الصناعي، أو حتى الرضاعة بزجاجة الرضاعة وهي بتحتوي لبن الأم. احنا هنتكلم معاكي عن الأخطاء الشائعة اللي ممكن أي أم تقع فيها وقت استخدام زجاجة الرضاعة، والأخطاء دي آثارها سلبية جدًا على صحة طفلك. علشان كده، مهم جدًا إنك تعرفيها، والأهم تحرصي على تجنبها.
اعرفي هنا أسباب ترجيع الرضيع بعد الرضاعة
أخطاء شائعة للأمهات عند تحضير زجاجة الرضاعة
- المياه المغلية
- مياه السخان
- مياه كتير
- الحلمة غير مناسبة
- عدم تعقيم الزجاجة
- لمس الحلمة
- قياس الحرارة بالفم
- وضع رضاعة غير صحيح
- ترك الزجاجة للطفل لإمساكها
- خلط لبن الأم مع اللبن الصناعي
- حفظ الرضعة الصناعية
- استخدام المايكروويف
- الإصرار على إنهاء كل الرضعة كل مرة
ممنوع المياه المغلية
ما تحاوليش أبدًا تغلي مياه وتروحي تستخدميها وهي سخنة مباشرةً في تحضير اللبن. اللي بيحصل إن المياه المغلية واللي لسه سخنة بتدمّر المواد المفيدة في تركيبة اللبن. لازم تستني المياه لمّا تبرد وتكون درجة حرارتها فاترة.
للأمهات: اللبن الصناعي يزيد وزن الرضيع فعلًا
ما تستخدميش مياه السخان
فيه أمهات بتعتبر إن طالما المياه سخنة تبقى صالحة للاستخدام، الحقيقة ده غير صحيح. مياه السخان سخنة للاستحمام والغسيل لكنها بتكون غير صالحة للشرب خصوصًا لطفل رضيع.
علامات فساد رضعة حليب الأطفال الصناعي
ما تزوّديش المياه
دايمًا على كل علبة لبن بتتكتب التعليمات الصحيحة لاستخدامه، والمقادير المظبوطة، ما تحاوليش تزوّدي المياه عن المقدار، ولا حتى تنقصيه لأن ده بيضر بتركيبة اللبن وبيقلل من فايدته.
القهوة والرضاعة الطبيعية .. تأثير الكافيين على طفلك
اختاري الحلمة المناسبة حسب السن
حلمات زجاجات الرضاعة بتيجي على شكل مقاسات حسب سن الرضيع لهدف، إن كل سنة له قدرة على المص، وكمان بتكون مناسب لقدرة معدته على التحمل، الحلمة لسن شهر غير نهائي سن ستة أشهر، علشان كدة غيريها بشكل دوري.
أفضل أنواع الحليب الصناعي للرضع بالأسعار من الصيدلية
تعقيم الزجاجة
تعقيم زجاجة الرضاعة مش رفاهية، أو حاجة ممكن التغاضي عنها. ده شيء أساسي ودرع حماية لصحة طفلك. علشان كده، استخدمي جهاز التعقيم أو عقميها في مياه مغلية. ممنوع نهائي تغسليها بنفس ليفة الأطباق اللي بتستخدميها في غسل أطباق باقي الأسرة.
موانع الرضاعة الطبيعية .. إمتى لازم تلجأي للبن الصناعي
ممنوع لمس الحلمة
في محاولتك لإذابة اللبن ممنوع تمسكي حلوة الإزازة بإيدك وترجيها جامد، بكل بساطة أي تلوث موجود على بشرة إيدك هينتقل للحلمة ومنها على بطن رضيع مباشرة، وده ممكن يعرضه لأمراض خطيرة.
أسباب رفض الطفل الرضاعة الصناعية .. وازاي تتعاملي معاه
قياس حرارة الرضعة مش بالفم
فيه أمهات علشان تتأكد على الرضعة درجة حرارتها تناسب رضيعها بتدوق اللبن بفمها. وده كمان بيعرض الطفل لخطر. لأن كمية الميكروبات اللي بتكون في فمنا احنا الكبار غير اللي بتكون في فم الرضع. القياس الصحيح لدرجة حرارة اللبن المحضر بتكون عن طريق تنقيط اللبن على بطن الذراع، لأن البشرة في المكان ده حساسة وهتديكي قياس صحيح.
أفكار تعمليها بعلب اللبن الصناعي بدل ما ترميها
خدي الوضع الصحيح
من الأخطاء الشائعة لعديد من الأمهات إنها تدي الرضيع الزجاجة يرضع وهو مستلقي على ظهره. الحقيقة إن الوضع خطر، وبيعرض الطفل إنه يشرق. ده غير إرتفاع فرصة إصابته بإلتهاب في الأذن لأن اللبن بيتسرب من بلعومه لأذنه. الرضيع لازم راسه تكون مرفوعة سواء في الرضاعة عن طريق الزجاجة أو الرضاعة الطبيعية.
امسكي إنتي الزجاجة
ما ينفعش أبدًا تخلي رضيعك هو اللي يمسك زجاجة الرضاعة بنفسه خصوصًا في شهر عمره الأولي. وده بسبب إنها أولًا تقيلة عليه، مش هيقدر بتحكم فيها، ممكن تعرضه لخطر الاختناق، أو خطر الإصابة بالغازات في البطن.
الإمساك مع الرضاعة الطبيعية المطلقة (الحصرية)
ممنوع لبن الأم مع اللبن الصناعي
كنوع من أنواع مقاومة الإحساس بالذنب أو حتى القناعة إنك تدي طفلك فايدة مضاعفة، تفتكري إنه من الصح مزج اللبن الصناعي بلبن الأم، ده ممكن يضر جدًا الجهاز الهضمي لطفلك. علشان كده لو هتدخلي لبنك الطبيعي في زجاجة الرضاعة يبقى يكون بشكل منفصل، يعني تقدري تبدلي بين الرضاعات، مرة لبن صناعي ومرة لبن طبيعي.
نصائح للتخلص من آلام الثدي أثناء الرضاعة الطبيعية
اللبن الصناعي لا يحفظ
أوقات بيحصل إن الرضيع مش بيكمل الرضعة بتاعته، أو الأم تكون محضرة كمية أكبر من احتياج رضيعها، في الحالة دي لازم تعرفي إن اللبن اللي فاضل غير قابل للحفظ وإعادة الاستخدام بأي شكل من الأشكال، لازم تتخلصي من الباقي بمجرد إنتهاء رضيعك منها.
6 أطعمة تجنبيها أثناء فترة الرضاعة الطبيعية
ممنوع استخدام الميكروييف
لازم تعرفي إن الميكروييف لا يستخدم في أي حاجة ليها علاقة بزجاجة الرضاعة، لا تسخين المياه، ولا تعقيم الزجاجة، تجهيز الرضعة، موجات الميكروييف ممكن تبقى خطر على المواد المكونة للبن.
الرضاعة من غير غصب
حاولى تتجنبي فكرة إن رضيعك لازم يخلص المقدار المحضر ليه بالكامل، لإنك لو غصبتيه ده ممكن يعرضه لمشاكل هضمية كبيرة. وفي نفس الوقت مش كل ما يعيط ترضعيه، هو ببساطة ممكن عايز يلعب أو حران أو حتى متألم من شيء. مش دايمًا تتجهي للرضاعة كاختيار أول لما يبكي.
تقدري تقولي إن هي دي الأخطاء الشائعة اللي ممكن أي أم من غير قصد تقع فيها ويكون أثرها سلبي على طفلها، إنتي دلوقتي عرفتيها فحاولي تتجنبيها، ولو تعرفي أي أم بتستخدم زجاجة الرضاعة عرفيها بالمعلومات دي هي كمان.
التعليق باستخدام حساب فيس بوك