الهدف الأساسي للمكياج هو تجميل الملامح، لكن للأسف مرات عدم الخبرة بتفاصيله بتؤدي للعكس. لدرجة إنه ممكن يقلل جمال الستات، ويظهر تفاصيل عيوب وشهم واللي مش بتبان من غير المكياج. علشان كده، مهم جدًا تاخدي بالك من تفاصيل كتير وانتي بتحطي المكياج لنفسك. لإن ظبطة المكياج مش بالكمية اللي بتحطيها ولا بعدد المنتجات اللي بتستعمليها. وفي المقال ده، هنقول لك على 10 أخطاء مكياج هتديكي مظهر أكبر في السن.
-
كريم الأساس (الفاونديشن)
رغم إنه مهم جدًا قبل ما تحطي أي مكياج، إلا إن تركيباته بتختلف ودرجة تقله وطريقة توزيعه على الوجه. علشان كده، مهم جدًا تختاري تركيبة مناسبة لبشرتك، زي التركيبة الكريمي مش التركيبة البودرة. علشان تدي وشك مظهر مترطب مش جاف، لإن المظهر الجاف للوش بيدي سن أكبر من الحقيقي. اعرفي أفضل 10 أنواع كريم أساس أقل من 500 جنيه
-
الكونتور
وده من الحاجات اللي ستات كتير بيحبوا يستعملوه، بس لو انتي مش محترفة فيه هيقلب بكارثة حقيقية، زي إنه ما يكونش مدمج كويس، أو ألوانه مش مناسبة لبشرتك، أو بتحددي بيه عيوب الوجه بدل ما تخفيها، أنا شخصيًا بحس تجاهه بالخطر ومفيش مجال إنه ما يكونش مظبوط 100%
بالصور: أخطاء مكياج لازم تبطليها لإن موضتها انتهت
-
الهايلايتر
وظيفته الأساسية هي إبراز مناطق معينة في الوجه، علشان كده لازم تبعدي تمامًا عن كل المناطق اللي فيها مشاكل عندك، سواء كانت المشاكل دي جفاف بشرة أو حبوب، أو تجاعيد بدرجاتها، ما ينفعش تبرزي الحاجات دي بالهايلايتر.
الهايلايتر غير البرونزر، اعرفي إيه هو البرونزر bronzer وأهميته في المكياج وأفضل أنواعه بالأسعار
-
البودرة
ناس كتير بتحب توزع بودرة على مكياجها علشان تديها ثبات أكتر، بس في حالات كتير بتدي منظر جاف، وبتدخل في أي تجاعيد في الوجه وبتبرزها وبتكون واضحة جدًا، فالأفضل إنك ما تستخدميهاش، أو تستخدميها بخفة وتكوني مرطبة وشك كويس جدًا قبل المكياج.
-
فرش المكياج
أخطاء المكياج مش بس في الخامات، لكن في الأدوات المستخدمة كمان، زي فرش المكياج الكثيفة اللي ممكن توزيعها للمكياج يديكي منظر مترهل للعين أو الجفون، اختاري فرش ناعمة وتغطيتها كويسة.
أخطاء مكياج
-
البرايمر
لو مش بتحطي برايمر قبل المكياج، جربيه دلوقتي، لإنه هيديكي ترطيب ممتاز للبشرة، وهيبعد عنك أي مظهر جاف أو مرهق لبشرتك.
أدوات مكياج أساسية في شنطتك .. لو مالكيش في الميك اب
-
الكونسيلر
صحيح اسمه خافي العيوب، بس لو ما استخدمش كويس، هيكون مظهر للعيوب. وخصوصًا تحت العين لو استخدمتي لون مش مناسب بشرتك هيعملك هالات سوداء بدل ما يخفيها.
-
البلاشر
أحمر الخدود، اللون الأحمر والبني منه بيدي سن أكبر، لكن الدرجات الطبيعية منه لطيفة قوي، ومهم جدًا المكان اللي بتوزعيه فيه، تجنبي إنك تحطيه في أعلى حتة في خدك، لكن وزعيه على عضمة الخد.
5 خطوات بسيطة لعمل مكياج لوك طبيعي No Makeup Look
-
الماسكارا
استخدمي ماسكارا خفيفة وخصوصًا على الرموش اللي تحت، لإن الماسكارا التقيلة واللي فيها تكتلات، هتعمل ظل غامق تحت عينك وهتدي مظهر الهالات السوداء.
أهم 3 فيديوهات لـ أساسيات الميك اب للمبتدئات
-
الآيشادو
لو عندك أي تجاعيد في جفنك، ابعدي عن الأيشادو الجليتر مهما كنتي بتحبيه، لإنه هيبرز قوي التجاعيد دي، وفي الحالة دي أنسب اختيار ليكي هتكون الألوان المات. أجمد 10 أنواع باليت آيشادو لـ مكياج ثابت في الصيف
وخلي القاعدة الأساسية في دماغك: “شوفي ازاي جميلة وانتي كده رايقة”، فمش بكمية المكياج اللي بتحطيها.
التعليق باستخدام حساب فيس بوك