محتويات المقال
تنظيم وتنظيم البيت مهمة كبيرة، عندك قايمة أدوات الطهي غير الصحية مثلًا لازم تاخدي بالك منها، وزي ما بتدوري على وصفات الطبخ، لو نعرف كم الأدوات اللي بنستخدمها وهي مؤذية، وممكن تضر صحتنا سواءً على المدى القصير أو المدى البعيد، هنعيد حساباتنا وترتيب مطابخنا من أول وجديد ويمكن نرمي أدوات كتير جدًا ما كناش ملاحظين قد إيه هي مؤذية ومسؤولة عن مشاكل صحية كتير احنا في غنى عنها.
في المقال ده، قررت أتكلم عن أدوات الطهي المصنوعة من مواد غير صحية واللي موجودة للأسف في مطابخ كتير، لو لسه في مرحلة التجهيزات، خلّي بالك وما تخليش القايمة دي من بين المنتجات اللي هتستعيني بيها في مطبخك المستقبلي.
اقرأي أيضا: أكتر أواني طهي صحية.. لو بتجهزي أو بتجددي مطبخك
التيفلون
أواني طهي من التيفال
التيفال، أو التيفلون له شعبية كبيرة جدًا، خاصةً لو انتي من النوع اللي مش بيحب الدهون كتير في الأكل، تنظيفه سهل جدًا، ومنجز خصوصًا مع الأكلات اليومية السريعة زي البيض المقلي مثلًا وغيره. لكن اللي كتير من الناس ما يعرفوهوش إن المادة الكيميائية الأساسية في مادة التيفلون لها صلة بأمراض الغدة الدرقية ومشاكل الرئة. وعلى المدى القصير، بتحصل أعراض بمجرد استخدام النوع ده من الأواني بيسموه “أنفلونزا التيفلون”، صحيح تم تغيير الصيغة والمركبات المستخدمة في التيفلون من سنة 2013، صحيح بقت أمان أكتر، لكن مع درجات الحرارة الشديدة جدًا، بيكون في مخاوف من تفاعل المواد الكيميائية في النوع ده الأواني مع الأكل، لذلك هي صحيح عملية وسعرها معقول ومنجزة لكن مش أمان 100%.
اقرأي أيضا: 10 أدوات مطبخ مالهاش لازمة من وجهة نظري
السيراميك
حلل سيراميك
من أكتر أنواع أواني الطهي اللي اشتهرت فجأة وبدون مقدمات هي الأطقم السيراميك، والغريب إنها غالية جدًا ومع ذلك انتشرت جدا باعتبارها صحية، لكن للأسف معظم اللي خاض تجربة الطبخ في حلل سيراميك، واجهته مشكلة مزعجة جدًا وهي تقشيرها، وده لأنها مش من السيراميك الخالص ولكن مطلية سيراميك ومادة غير لاصقة غالبًا بتكون سيليكون. المشكلة إنها مش بس بتقشر، لكن كمان فيه شكاوى إنها مش بتوصّل الحرارة بالتساوي، ولذلك هي تاني نوع مش بافضّل إنك لو بتجهّزي تشتريه.
الألومنيوم
طقم حلل ألومنيوم
يمكن الألومنيوم، في رأيي أفضل من التيفلون والسيراميك بكتير. في الحقيقة، هو معدن وزنه خفيف وبينقل الحرارة بسرعة وسعره كويس جدًا، لكن المشكلة في رواسب الألومنيوم اللي بالضرورة بتتنقل للأكل، لدرجة إن جسم الإنسان ممكن يدخل له من 7 لـ 9 ملليجرام ألومنيوم في اليوم.
الخوف الأساسي من تسرب الألومنيوم للأكل هو مفاقمة أعراض مرض الزهايمر، ورغم إن مفيش أبحاث صريحة بتثبت النقطة دي، لكن عمومًا بيكون في حالة من عدم الارتياح.
اقرأي أيضا: في زمن فيروس الكورونا: مطبخك بؤرة جراثيم
المصدر: Healthline
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
التعليق باستخدام حساب فيس بوك