رسم الحواجب باحتراف بيكون صعب بالنسبة لناس كتير لإن طريقة رسم الحواجب أحيانًا بتحتاج إيد متدربة، وفي نفس الوقت بنكون محتاجين نظبط الحواجب قبل المناسبات والأفراح والمواعيد المهمة، لذلك حبينا نقول لك إنك ممكن تتعلمي طريقة رسم الحواجب بالبيت، من غير مايكروبليدنج للحواجب ولا بحث على الإنترنت عن كيفية رسم الحواجب. ببساطة رسم حواجب طبيعي في البيت. هنا هتعرفي أفضل أدوات لرسم الحواجب بنفسك.
شوفي كمان: بالفيديو طرق رسم الآيلاينر كالحمحترفات في ثواني
أدوات لرسم الحواجب لوضع المكياج باحتراف
- قلم فلوليس
- قوالب رسم الحواجب ثلاثية الأبعاد
- جل كريمي
- رسم الحواجب بالقلم
- ماسكارا تحديد الحواجب
- بودرة رسم الحواجب
- قلم رسم الحواجب السائل
قلم فلوليس
قلم فلوليس لتحديد الحواجب
عبارة عن ماكينة كهربائية لإزالة شعر الحواجب والوجه بدون ألم، بتكون مزودة بإضاءة ليد بينك عادةً. وده مخصوص للحواجب عشان تقدري تحددي شكلهم بالطريقة اللي تريّحك بدون ألم يذكر، ودي أشهر وأهم طريقة لتحديد شكل الحواجب في البيت بدون مساعدة من حد.
قوالب رسم الحواجب ثلاثية الأبعاد
قوالب تحديد الحواجب الجاهزة
لو انتي مش من الناس الشاطرة في رسم الحواجب، ومش عارفة تتصرفي، فالحل ده من الآخر. عبارة عن أشكال مختلفة للحواجب اللي تحبي يكون شكل حواجبك زيها، هتختاري الشكل المناسب لرسمة وشك أو اللي تفضليه، هتتأكدي إن وشك وحواجبك ناشفين، هتثبتي القالب بصوابعك وهتملي الفراغ بالقلم أو بالآيشادو أو بقلم التحديد، ونفس الخطوات للحاجب التاني.
جل كريمي للحواجب
جل كريمي للحواجب
بمجرد الاستقرار على شكل الحواجب المثالي بالنسبة لك، هتحتاجي وسيلة لرسمهم وفي الوقت اللي بعض الناس بيفضلوا الباودر، في ناس تانية بيفضلوا الجل الكريمي لسهولته ومظهره الطبيعي وكمان لأنه جل بينزلق بسهولة وبالتالي بيكون رسم الحواجب سهل ولطيف وفيه منه أنواع مقاومة للماء.
رسم الحواجب بالقلم
قلم تحديد الحواجب
يعتبر أسهل وأسرع طريقة وكمان أكتر طريقة اقتصادية وبسيطة ومنجزة، لتحديد الحواجب ورسمها، وبتقدري تختاري من بين أشكاله إما رفيع جدًا أو مدور متوسط أو مثلث عالمائل. في النهاية، بيساعدك في وقت قياسية إنك تنجزي المهمة بنجاح، ومن مميزاته إنه له ألوان مختلفة مهما كان لون حواجبك هينجز معاكي.
ماسكارا تحديد الحواجب
ماسكارا تحديد الحواجب
المنتج السحري اللي هيديكي حواجب كثيفة ومتحددة بشكل دقيق وبدون مجهود يذكر لا رسم ولا تحديد ولا يحزنون، ثواني قليلة جدًا، وهتلاقي نفسك بتنطلقي مع نتيجة عظيم بس أهم حاجة إنك تختاري اللون القريب للون حواجبك.
شوفي كمان: أدوات مكياج أساسية في شنطتك
بودرة رسم الحواجب
بودرة رسم الحواجب
لو حواجبك خفيفة جدًا، يبقى أنسب اختيار ليكي هو بودرة الحواجب لأنها هتنقلك لعالم تاني مع حواجب كثيفة وتقيلة ومتحددة بدون ما تضطري ترسميها أو تروحي تعملي مايكروبليدنج. في ثواني، هتظبيطها تمامًا.
قلم رسم الحواجب السائل
قلم رسم الحواجب السائل
حل أخير بتفضله بنات وستات كتير في سهولته وسرعته وإنجازاته هو قلم رسم الحواجب السائل، سعره مش كبير ونتيجته ممتازة لكن عيبه إنه بيخلص على طول مش بيفضل وقت كفاية. يعني هتحتاجي تشتري من وقت للتاني، وبعد كام استخدام بيبدأ ينشف شوية وما يديش نفس النتيجة اللي متعودة عليها من أول استخدام.
ممكن كمان تعرفي الفرق بين تاتو الحواجب والمايكروبليدنج
التعليق باستخدام حساب فيس بوك