أكتر الحاجات اللي بتأثر على ميزانية الأمهات هي لعب الأطفال، لعب الأطفال اللي بتبقى عاملة زي الجبل من كترها وزي الصحرا من قلة استخدامها ومع ذلك مجبرين نجيبها عشان نفرحهم.. وطبعًا لعب الأطفال مش أرخص حاجة وساعات بتضطري تجيبي لعب لأطفال تانيين في المناسبات المختلفة زي أعياد الميلاد أو الزيارات. وعشان كده، لازم تبقي عارفة الأماكن اللي تقدري تشتري منها اللعب بأسعار معقولة وهنا في الموضوع ده هنعرفك على الأماكن دي.
النزهة الجديدة
كنز المصريين اللي فيه كل حاجة حرفيًا، وهناك هتلاقي مش محل واحد، لأ هتلاقي محلات كتير جدًا فيهم لعب من أول الشخاليل للبيبي ولحد كمان العربيات الكهربا.
بينجو
في الوقت اللي كل الناس كانت بتبيع الألعاب التريند زي الصبارة الراقصة والـ pop it بأسعار خرافية بينجو عملهم بأسعار على قد الأيد وكمان بتشكيلة متنوعة جذابة لكل الأطفال.
لو مش عايزة تنزلي، اعرفي من هنا أكتر من 10 أماكن لشراء لعب أطفال أونلاين
شركة محسن الفيومي
المحل المشهور بالأدوات المكتبية اللي سعرها معقول وكمان بيكون موجود عنده قصص أطفال وألعاب بحر وغيرهم كتير.
نلعب مع الولاد.. ولا ندّيهم لعب؟!
مكتبة 3A
مكتبة لطيفة ممكن تجيبي منها أونلاين وهتلاقي فيها تشكيلة كبيرة من الألعاب الرخيصة، وفي نفس الوقت أفضل خامة مع تسلية للصغيرين، لينك المكتبة من هنا.
الموسكي
وهناك برضو كنز لكل حاجة حرفيًا بس زحمة شويتين، هتلاقي لعب أطفال وأدوات مكتبية بس للأسف ممكن البيع يكون بالدستة فممكن تنزلي مع صحباتك وتقسموا سوا.. ما انصحكيش تنزلي بالولاد بسبب الزحمة.
أفضل أماكن شراء الأدوات المدرسية لطفلك
التعليق باستخدام حساب فيس بوك