محتويات المقال
في الفترة الأخيرة مع الزيادة القوية اللي حرفيًا كل شهر أكتر من اللي قبله، بجانب دخول موسم صيف 2022 بتظهر الحاجة لشراء ملابس جديدة، واللي هي كمان ما اترحمتش من الارتفاع المبالغ فيه في الأسعار. احنا كمحجبات بجانب الصعوبة اللي بنقابلها في العثور على ملابس محجبات بخامة مناسبة وستايل مناسب، بنقابل تحدي إنها تكون بسعر مناسب، لأن أغلب المركات سواء كانت محلية أو مستوردة لو توفر فيها التصميم والخامة المطلوبة بتكون تلقائيًا غالية. علشان كده وفي المقال ده، هنقول لك على شوية نصايح تعمليها هتجدد دولابك تمامًا وهتلاقي نفسك صرفتي فلوس أقل، وحصلتي على تنوع أكبر في دولابك.
10 أماكن لشراء الملابس بأقل من 200 جنيه
اعملي مراجعة سريعة لدولابك
من الحاجات اللي ممكن نعتبرها فخ بنقع فيه كلنا تقريبًا إننا بننسى إيه اللي عندنا في الدولاب، خصوصًا لو مثلا بنركز في اللبس على طقمين تلاتة. علشان كده، من المهم جدًا إنك تفتحي دولابك وتتفرجي على القطع المتوفرة فيه، وتشوفي إيه اللي أصبح قديم. فبالتالي تتخلصي منه، وإيه الناقص فتكتبي إنك محتاجة ليه، وإيه اللي كان منسي فتبتدي تستخدميه.
موضة ملابس صيف 2022 .. اتحدي الحر بخامات الملابس دي
كوّني أطقم جديدة
بعد الخطوة الأولى، بتيجي الخطوة دي، إنتي ممكن تكوني أطقم جديدة تمامًا غير اللي معتادة عليها، وده هيحتاج منك تتابعي صفحات لبلوجرز بيعلموا الناس ازاي قطعة الملابس الواحدة ممكن تتلبس في تلاتة أو حتى أربع أشكال مختلفة.
أجمل موديلات فساتين سواريه محجبات
جربي السادة
صحيح كتير مننا بيحب اللبس المنقوش سواء نباتات أو نقوش هندية أو عشوائية، أو حتى مخططة، بس الحقيقي اللي هيفضل عملي جدا وأنيق في أي وقت هتلبسيه هي قطع الملابس السادة أيا كان لونها. المميز فيها هي مرونتها، يعني تقدري تلبسي دايمًا الملابس السادة سواءً كاجوال أو كلاسيك، صبح أو بالليل، وهيفضل شكلك شيك وأنيق جدًا.
تنسيق الملابس .. تنسيق أطقم مختلفة بعدد قليل من قطع الملابس
الألوان المحايدة
الألوان المحايدة سواءً كانت في الطرحة أو حذاء أو بلوزة أو جيبة أو بنطلون أو فستان كنز حقيقي في دولابك، معاها بلا أدنى مبالغة ممكن تقدري تكونى من 5 لـ 6 أطقم جديدة.
أماكن طرح للمحجبات: 40 مكان أونلاين تشتري منهم حجابك
الإكسسوارات التريندي
زي ما عملتي مراجعة على دولابك لازم تعملي مراجعة على إكسسواراتك، أي حاجة لونها إتغير أو إتقطعت أو خلاص عدى الموسم بتاعها تخلصي منها، الإكسسوارات شيء أساسي في لبس المحجبات، والسنة دي في 2022 السلاسل الدهبية بمختلف أحجامها داخلة في كل اللبس حتى الأحذية والشنط.
أبرز صيحات موضة إكسسوارات 2022
الكارديجان + الـ Basic
بالنسبة لي دي من أحلى قطع الملابس اللي ممكن تضيفيها لدولابك، أي بيزك بلون محايد زي الأبيض أو الأسود أو البيج، مع كارديجان سواء سادة أو منقوش، والحلو إنها نازلة الأسواق المصرية بأسعار معقولة وبخامات مقبولة.
40 فكرة للبس الكيمونو الطويل والقصير في عزومات رمضان
التفصيل
لو عندك خياطة أو ترزي شاطر يبقى إنتي معاكي كنز، لإن بكل بساطة تقدري تنزلي أماكن زي الأزهر وميدان الجامع، وتشتري أمتار من الأقمشة اللي نازلة تريند السنة دي بسعر رخيص جدًا بجد، وتفصليه سواء كارديجان أو suit أو Basic وتبقى كسبتي على كل المستويات.
موضة البنطلون الواسع للمحجبات مكملة في صيف 2022
نصيحة أخيرة
أحلى ما في اللبس اللي لابساه هو إنتي. علشان كده، مهم جدًا يكون عندك ثقة بنفسك لأنها أجمل إضافة على أي حاجة بتلبسيها، وكمان خلي عندك جرأة إنك تجربي ستايل جديد وانفتاح على إنك تنوعي في استخدام القطعة الواحدة كذا مرة.
طريقة وضع مكياج خفيف للمحجبات بدون كريم أساس
تقدري تقولي إن دي أهم الخطوات اللي تقدري بيها تواجهي أزمة غلاء أسعار ملابس المحجبات وفي نفس الوقت تكوني حافظتي على شياكتك في الموسم ده.
أكتر من 20 فكرة لتنسيق ملابس رياضية للمحجبات 2022
التعليق باستخدام حساب فيس بوك