مع الصيام في رمضان لساعات طويلة، كتير من الناس بتحصل لهم دوخة بدرجات متفاوتة. فيه ناس الدوخة بتخليهم مش قادرين يقوموا من السرير، وفيه ناس الدوخة بتكون خفيفة، كإنها إحساس بعدم اتزان. وعلشان يعدي عليكي رمضان بصحة ونشاط، هنقول لك على أسباب الدوخة في الصيام وعلاجها.
-
أسباب الدوخة في الصيام
- الإصابة بأمراض السكر والقلب.
- الحمل والرضاعة.
- النحافة.
- الأنيميا.
- اضطرابات الطعام.
- انخفاض ضغط الدم.
- تناول أدوية معينة.
- كبر السن.
- المراهقة.
-
ازاي نتجنب الدوخة في الصيام؟
- لو الطبيب المتابع لحالتك، قال لك ما تصوميش، يبقى لازم تلتزمي بكلامه.
- لازم تكون وجبة السحور فيها سعرات حرارية كافية.
- شرب كمية كبيرة من المياه للوقاية من الإجهاد والجفاف والصداع والدوخة وترطيب الجسم، يعني في الفترة اللي ما بين الفطار والسحور، لازم تشربي حوالي 20 كوباية مياه.
- تناول الفواكه والخضروات الغنية بالمياه والألياف.
- المشي والحركة باستمرار لزيادة تدفق الدورة الدموية بالجسم.
- تناول كمية كافية من البروتين زي البيض واللحوم والبقوليات والأسماك خلال ساعات الإفطار لبناء العضلات والحد من الشعور بالجوع والوقاية من الدوخة.
- تناول المكملات الغذائية زي الحديد والكالسيوم وفيتامين B تحت إشراف الطبيب المختص.
- لو وراكي أعمال منزلية متعبة ومحتاجة طاقة، اطلبي المساعدة أو اعمليها بالليل.
- السنة النبوية بتوصينا بتعجيل الإفطار وتأخير السحور، وده حل ممتاز للتعب أثناء الصيام.
- نامي ساعات كافية، لإن قلة النوم مع الصيام ممكن جدًا تسبب دوخة.
- اتجنبي الحر الشديد والملابس الضيقة وغير المريحة، لإن كل الحاجات دي بتساهم في زيادة الإحساس بالدوخة والخنقة.
وفي الأول والآخر، افتكري إن الصيام فريضة وعبادة، والأجر على قدر المشقة، لكن لو طبيبك منعك من الصيام، فبرضه الأجر هيكون على نيتك حتى لو ماعرفتيش تصومي.
مع تمنياتنا ليكي بكل الصحة والعافية والأجر والقبول، وكل رمضان وانتي بخير.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
What’s your Reaction?
التعليق باستخدام حساب فيس بوك