في الفترة الأولى من الزواج وبالتحديد في السنة الأولى بيكون فيه لغبطة في التكيف مع الوضع الجديد ورتم وأسلوب الحياة.. وبعض الأزواج والأهل بيكونوا منتظرين فرحة الطفل أو الحفيد الأول. وفي بعض الأوقات بيحصل توقعات للحمل في السنة الأولى وعدم حدوثه بيكون مصدر قلق للزوجين.. وعلى الرغم من إنه أول سنة جواز مش مقياس لتأخر الحمل، لكن أزواج كتير بيحبوا يطمنوا ويعرفوا أسباب تأخر الحمل. في المقال ده، هنتكلم معاكي عن الأسباب المختلفة اللي بتؤدي إلى تأخر حدوث حمل في السنة الأولى من الجواز.
أسباب تأخر الحمل في السنة الأولى
- كثرة استخدام المزلقات الحميمية
- كثرة استخدام الغسول المهبلي
- عدم معرفة أيام التبويض الصحيحة
- زيادة هرمون اللبن
- أسباب عضوية
كثرة استخدام المزلقات الحميمية
في الفترة الأولى من الزواج، بتحتاج السيدات استخدام المزلقات الحميمية بصورة أكبر من المعتاد لضمان علاقة جنسية سلسة. لكن في الواقع بعض أنواع المزلقات بتمنع وصول الحيوانات المنوية للرحم.. لو واجهتك مشكلة في العلاقة الحميمة، استشيري طبيب النسا الخاص بيكي عشان تقللي من استخدامه، ولو فيه منتجات بديلة، ممكن يقترحها عليكي.
مهم تعرفي 5 حاجات لازم تعرفيها قبل ما تاخدي قرار الحمل
كثرة استخدام الغسول المهبلي
الغسول المهبلي بيدي ريحة ونضافة كويسة لمنطقة المهبل، لكنه بيأثر بالسلب على التوازن الحمضي للمهبل وممكن يمنع وصول الحيوانات المنوية للرحم. بننصحك تستشيري دكتور النسا لو عندك افرازات مهبلية كتيرة عشان تطمني وتعرفي المنتجات الصحيحة لتنظيف المهبل.
عدم معرفة أيام التبويض الصحيحة
ممارسة العلاقة الحميمة في أوقات التبويض بيكون عامل مهم لحدوث حمل. بننصحك لو بتخططي لحمل تبقي عارفة أيام التبويض الخاصة بيكي عن طريق ابلكيشن على الموبايل أو تستشيري دكتور النسا الخاص بيكي، أو عن طريق حاسبة التبويض.
زيادة هرمون اللبن
زيادة هرمون اللبن من ضمن الأسباب اللي بتأخر حدوث حمل. استشيري دكتور النسا لمعرفة التحليل المناسب اللي تقدري تعرفي منها زيادة الهرمون والعلاج المناسب.
هنا ممكن تشوفي أفضل أوضاع جنسية لحدوث حمل بسرعة
أسباب تأخر الحمل العضوية
تأخر الحمل ليه أسباب عضوية كتير عند الزوج والزوجة زي:
- تكيس المبايض
- عدم انتظام الدورة الشهرية
- وجود أورام ليفية في الرحم.
- ضعف التبويض
- مشاكل في الغدة
- ضعف الخصوبة عند الرجل
- قلة عدد الحيوانات المنوية عند الرجل.
تأخر الحمل ممكن يكون ليه أسباب كتير جدًا سواء عضوية ومحتاجة علاج أو أسباب اخرى محتاجة تنظيم للحياة زي التوتر والقلق، في كل الحالات لازم ترجعي لدكتور النسا عشان تقدري توصلي للأسباب.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
التعليق باستخدام حساب فيس بوك