مع بداية الرضاعة الطبيعية، الأم بتفضل بالساعات تحاول ترضع البيبي، وفي بعض الأحيان تلاقي فجأة، مجهودها كله ضاع، والبيبي رجّع حليب الأم. وبيكون مطلوب منها ترضعه تاني وتشبّعه، وممكن يكون لبن الثدي وقتها مش مكفي، ده غير إن البيبي موده بيتقلب بسبب الترجيع ده. وفي المقال ده، هنقول لك أسباب ترجيع الرضيع لحليب الأم، بعد الرضاعة الطبيعية.
أسباب ترجيع الرضيع
-
صعوبة الرضاعة
أحد أسباب تقيؤ الرضيع بعد الرضاعة الطبيعية هو صعوبة الرضاعة، لإن غالبًا الرضّع بيعانوا من صعوبة شرب الحليب بالسرعة المناسبة، وبيلاقي الرضّع صعوبة في الحفاظ على الحليب في معدتهم، خاصةً خلال الشهر الأول من عمرهم لعدم اعتياد المعدة على هضم الطعام.
-
ارتجاع أحماض المعدة
يُعد ارتجاع أحماض المعدة أحد أسباب تقيؤ الرضيع بعد الرضاعة الطبيعية. وبيظهر ارتجاع أحماض المعدة بسبب عدم النمو الكامل للعضلة العاصرة، اللي بتكون موجودة في نهاية المريء، مما يؤدي إلى ارتخائها عند امتلاء معدة الرضيع بالحليب. وده بيؤدي إلى صعود الحليب عبر المريء. لكن المشكلة دي بتنتهي، لما البيبي بيتم سنة ونمو العضلة دي بيكتمل.
-
الحساسية
حساسية الرضيع تجاه أحد الأطعمة أو المشروبات، اللي الأم بتاكلها هي أحد أسباب تقيؤ الرضيع بعد الرضاعة الطبيعية، ومن الأطعمة دي:
- البيض.
- المكسرات.
- البذور.
- السمك.
إمتى أروح لاستشاري رضاعة طبيعية
-
الزكام أو الإنفلوانزا
الزكام والإنفلونزا أحد أسباب تقيؤ الرضيع بعد الرضاعة الطبيعية، لإن غالبًا بيسبب احتقان الأنف المرافق للزكام أو الإنفلونزا، سيلان الأنف في مؤخرة الحلق، واللي بيسبب السعال الشديد عند الرضيع، وده بيخليه يرجع في أحيان كتيرة.
-
تراكم الجالاكتوز في الدم (Galactosemia)
مشكلة تراكم الجالاكتوز في الدم، بتسبب شعور الرضيع بالغثيان، وترجيعه بعد تناوله الحليب الطبيعي أو أي من منتجات الألبان لعدم قدرته على هضم سكر الجالاكتوز (Galactose).
-
الانغلاق المعوي (Intussusception)
مرض نادر بيحصل بسبب تلف بعض أنسجة الأمعاء، الناتج عن الإصابة بالتهاب فيروسي أو أمراض أخرى، وبتنزلق الأنسجة المصابة داخل الأنسجة السليمة مما يؤدي إلى عدم قدرة الطفل على الاحتفاظ بالحليب.
وفي كل الأحوال، العلاج هتعرفيه لما تروحي لطبيب الأطفال، ويشخص هو السبب، وبالتالي يكتب العلاج المناسب لطفلك، ويفضل إنك تستشيري الطبيب سرعة، قبل ما تحصل أي مضاعفات لا قدر الله.
مع تمنياتنا لطفلك بتمام الصحة والعافية
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
التعليق باستخدام حساب فيس بوك