مظهر أظافر المرأة بيدل على حاجات كتير، زي نضافتها ودرجة اعتنائها بنفسها. والأهم إنه بيدل على الصحة، حتى الأطباء في الكشف عن أمراض أو مشاكل طبية معينة، تلاقيهم بيبصوا على الأظافر علشان ترشدهم على التشخيص. وعلشان الأهمية دي لمظهر الأظافر، هنقول لك على مشكلة تكسر الأظافر بسرعة وطرق علاجها.
مشاكل صحية بتقول لك عليها الأظافر
أسباب تكسر الأظافر بسرعة
- نقص الفيتامينات
- نقص البروتين
- قلة شرب الماء
- إزالة الجلد الميت حول الأظافر
- عدم ترطيب الأظافر
- كثرة تعرض الأظافر للماء والمنظفات
- وضع المناكير لفترات طويلة
- طرق طبيعية للعناية بالأظافر
-
نقص الفيتامينات
السبب: تكسر الأظافر بيدل على نقص الفيتامينات المهمة في جسمك، وده بيكون بسبب عدم تناول الأكل الصجي بشكل متوازن.
العلاج: تناول فيتامين أ و هـ عن طريق أكل الجزر والسبانخ والأفوكادو، والكالسيوم من الحليب والجبن، وأوميجا 3 في الأسماك بأنواعها، وتناول المكسرات والبيض والحبوب الكاملة.
-
نقص البروتين
السبب: زي نقص الفيتامينات، فنقص البروتين دليل على عدم تناول الأكلات الغنية بالبروتين.
العلاج: تناول اللحوم الحمراء والفراخ والسمك والبيض والفول
-
قلة شرب الماء
السبب: عدم شرب كمية كافية من الماء يوميًا بيساهم في إصابة الأظافر بالهشاشة وتكسرها.
العلاج: المواظبة على شرب 8 أكواب ماء يوميًا حتى في موسم الشتاء، لإن دي من أهم أسباب تكسر الأظافر بسرعة.
-
إزالة الجلد الميت حول الأظافر
السبب: مع إزالة الجلد الميت حوالين الأظافر، علشان تجميلها، مرات بيتشال تمامًا، وهو أصلا فايدته إنه بيحمي الأظافر من الفطريات والعدوى
العلاج: إزالة الجلد الميت بدرجة معقولة، ولازم تطهير الأظافر وترطيبها بعد إزالة الجلد الميت.
أهم أسباب فطريات الأظافر وطرق علاجها نهائيًا
-
عدم ترطيب الأظافر
السبب: عدم ترطيب الأظافر بيخليها ضعيفة وبالتالي بتكون عرضة للتكسر.
العلاج: استخدمي كريمات الترطيب في العناية بالأظافر، أو الزيوت المفيدة زي زيت جوز الهند.
-
كثرة تعرض الأظافر للماء والمنظفات
السبب: كسيدات أكيد بنتعرض كتير جدًا لمنظفات المواعين، ومرات بنستخدم مواد تقيلة قوي في التنضيف، وده بيأثر بشكل مباشر على صحة الأظافر.
العلاج: لبس الجوانتي السميك أثناء التنضيف.
-
وضع المناكير لفترات طويلة.
السبب: لما بتحطي مناكير على ضوافرك، فده بيسد مسامها ويقلل من صحتها.
العلاج: زي البشرة بالزبط، بعد ما تحطي مناكير، لازم تشيله في فترة ما تزيدش عن 5 أيام، وما تحطيش مناكير تاني غير بعدها بكذا يوم.
-
طرق طبيعية للعناية بالأظافر
- استخدام الزيوت الطبيعية 3 مرات أسبوعيًا، في فرك الأظافر ودهانها، والزيوت دي زي زيت الزيتون وزيت السمسم وزيت اللافندر وزيت الأفوكادو.
- لبس أحذية مناسبة ومش ضيقة لدرجة منع أظافر الرجل من التنفس.
- بنقع أظافر القدم في ماء دافيء 3 مرّات أسبوعيًا وتجفيفها جيدًا لوقايتها من أي فطريات أو التهابات.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
التعليق باستخدام حساب فيس بوك