محتويات المقال
ستات كتير بتشتكي من غزارة الدورة الشهرية بعد الولادة القيصرية، ومش بيكونوا عارفين إيه السبب أو إيه اللي جد، أحيانًا غزارة الدورة الشهرية أول يومين بتكون كبيرة وأحيانًا بتستمر كل أيام الدورة لكن يا ترى إيه سبب نزول الدورة بغزارة في التوقيت ده تحديدًا؟
أسباب غزارة الدورة الشهرية
- عدم التوازن الهرموني بيسبب زيادة بطانة الرحم واللي بتنفصل تدريجيًا عن طريق الدورة الشهرة وبالتالي بيحصل غزارة للدورة الشهرية.
- خلل المبايض وفي الحالة دي الجسم مش بيفرز هرمون البروجسترون وبالتالي يحصل عدم توازن في الهرمونات وبرضه يحصل غزارة في الدورة الشهرية.
- الأورام الليفية الرحمية والزوائد اللحمية.
- الولادة القيصرية: ستات كتير بعد الولادة القيصرية بتتفاجئ بزيادة دم الدورة الشهرية خصوصًا في الفترة الأولى بعد الولادة القيصرية.
نزول الدورة الشهرية بغزارة بعد الولادة القيصرية
الولادة القيصرية هي عملية جراحية، بتسبب جرح في جدار الرحم، ولأن الجرح ده بيحتاج وقت كبير لحد لما يخف، فخلال الفترة دي، ومن لحظة العملية الجراحية ولحد لما يخف تمامًا ممكن يسبب غزارة في الدورة الشهرية.
شكل وغزارة الدورة أول يومين
مع أول دورة شهرية هتجيلك بعد الولادة القيصرية، ممكن تلاحظي وجود دم غامق وتخثرات –قطع- وده لإن مضادات التجلط بتكون لسه مش قادرة تشتغل بكفاءة في جسمك بعد مروره بعملية جراحية زي الولادة القيصرية ومع زيادة كمية الدم ممكن تتخضي. لذلك بننصحك لو الدم أكتر من الطبيعي ومصحوب بألم، روحي للدكتور يطمنك.
أول دورة بعد الولادة والربط
بعض الستات بتطلب من الدكتور أو حالتها بتستدعي عملية ربط لقناتي فالوب خلال العملية الجراحية، وده من ضمن الأسباب اللي بتزود فرص زيادة دم الدورة بعد الولادة القيصرية.
امتى تطلبي مساعدة طبية؟
صحيح الدم الغزير بعد الولادة حاجة متوقعة، سواء كانت الولادة طبيعية أو قيصرية، لكن الغزارة ليها حد، لو حاسة بـ ألم الدورة الشهرية أكتر من الطبيعي: بتضطري تغيري الفوطة الصحية مرة أو مرتين كل ساعة أو ساعتين، يبقى انتي محتاجة تروحي للدكتور بدون تردد.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
اقرأي أيضا: طرق طبيعية لتنظيف الرحم عقب الدورة الشهرية
التعليق باستخدام حساب فيس بوك