أهم أسباب فطريات الأظافر وطرق علاجها نهائيًا

ناس كتير بتلاقي تغيرات حصلت في مظهر الأظافر، بس مش بتكون عارفة إيه السبب، هل هو نقص فيتامينات، أو عرض لمرض تاني لا قدر الله، ولا فطريات أظافر، علشان كده في المقال ده هنقولك كل حاجة تخص فطريات الأظافر، أسبابها وأعراضها وطرق علاجها:

 

• إيه هي فطريات الأظافر؟

هي عدوي بتتنقل للأظافر، وخصوصًا لو فيها أي جروح أو تشققات، وبتسبب تغير في شكل الأظافر من حيث اللون أو سماكتها، وفي بعض الأحيان بتسبب ألم

 

هنا ممكن تشوفي مشاكل صحية بتقول لك عليها الأظافر

• أعراض فطريات الأظافر

1. تغيير منظر الظفر.
2. سماكة الأظافر.
3. تكسر الأظافر المصابة بشكل أسهل.
4. تحول لونها للوان الأصفر في بعض الأحيان.
5. ظهور بقع بيضاء على الظفر.
6. الظفر بيكون ضعيف جدًا، لدرجة إنه ممكن ينفصل عن موقعه الأصلي.
7. خروج رائحة من الأظافر.

 

• أسباب الإصابة بفطريات الأظافر

غير عن الجروح والتشققات وإصابتها بالعدوى، في بعض الناس معرضين أكتر للإصابة بفطريات الأظافر، زي:

1. كبار السن.
2. المصابين بمرض السكر.
3. الأشخاص اللي بيعانوا من التعرق الشديد.
4. الأشخاص اللي عندهم أمراض جلدية، زي: مرض الصدفية.
5. وجود تاريخ مرضي للشخص حول إصابته بقدم الرياضي.
6.  ضعف في الجهاز المناعي.
7. المدخنين.
8. لو في تاريخ عائلي للإصابة، أسباب وراثية يعني.
9. قضاء وقت طويل في المياه.

بالفيديو: 5 منتجات مبتكرة لمحبي العناية بالأظافر

• علاج فطريات الأظافر

1. مضاد للفطريات، بيتناوله المريض عن طريق الفم.
2. مضاد فطريات موضعي، لكن نتيجته بتاخد من 6-12 إسبوع، علشان تبدأ تظهر.
3. طلاء الأظافر الطبي، وده لازم الاستمرار عليه يوميًا لمدة سنة كاملة.
4. العلاج بالليزر
5. الجراحة عن طريق إزالة الضفر.
6. علاجات منزلية مختلفة زي: زيت شجرة الشاي، زيت الأوريجانو، مستخلص أوراق الزيتون، الثوم، خل التفاح.

 

• طرق الوقاية من الإصابة بفطريات الأظافر

1. اغسلي ايديكي كويس جدًا، وخصوصًا عند وضع يدك على الظفر المصاب بالفطريات.
2. قلّم ضوافرك بشكل مستقيم ومرتب.
3. البسي جوانتي يمتص العرق واحرصي على تغييرها أكتر من مرة خلال اليوم.
4. تخلصي من الأحذية اللي كنتي بتلبسيها أثناء فترة الإصابة بالفطريات.
5. احرصي على نظافة أدوات تقليم الأظافر.

5 نصائح عن برد الأظافر في البيت

راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.

 

المصادر:
webteb.com
mayoclinic.org

هل عندك تعليق على المقال ده؟ شاركينا هنا

Leave a Comment Cancel Reply

Δ

التعليق باستخدام حساب فيس بوك