لو -لا قدر الله- جالك كورونا، أو حد قريب منك، أكيد لاحظتي إن في تساقط شعر شديد حصل، وفي أغلب الحالات بيحصل تساقط الشعر بعد فترة الحجر الصحي أثناء الإصابة بفيروس كورونا، وبيبدأ تساقط الشعر يتلاحظ بعدها بفترة، وده يعتبر واحد من الأعراض طويلة المدى لفيروس كورونا، وفي المقال ده هتعرفي علاقة تساقط شعر السيدات بفيروس كورونا:
-
هل الكورونا بتسبب تساقط شديد للشعر؟
رغم إن فيروس كورونا لسه بتجرى عليه الأبحاث والدراسات، ولسا مفيش نتائج مؤكدة عن أعراضه وأسبابه ونتايجه، إلا إن الدراسات الحالية وصلت لـ إن فيروس كورونا له علاقة قوية بالتساقط الحاد للشعر، ودي حالة بتحصل في الأمراض اللي بتسبب حمى شديدة، وبيقع الشعر فيها على هيئة كُتل أو خُصل.
-
ليه الكورونا بتسبب التساقط الحاد للشعر؟
في دورة طبيعية لحياة الشعرة في الراس، فالمعدل الطبيعي لتساقط الشعر في اليوم الواحد من 50 لـ 100 شعرة، وفي الأثناء دي بيكون في شعر تاني في مرحلة النمو، وفي شعر في مرحلة “الراحة” وده بياخد من شهرين لـ 3 شهور علشان يبدأ يقع ويسيب مجال لشعر تاني للنمو، وهكذا.
وفي حالة الإصابة بفيروس كورونا، فالشعر بيقع بالمعدل الطبيعي، لكن بسبب الإجهاد الشديد اللي بيحصل للجسم، بقية الشعر مش بيدخل مرحلة النمو، وبيتبقى الشعر اللي مرحلة “الراحة” واللي هيتساقط بعد شهرين أو 3 شهور، علشان كده بتظهر مشكلة التساقط بعد التعافي من الكورونا، وبسبب مظهر الشعر المتساقط، بتبدأ السيدة بالتوتر، وده بيزود من معدل تساقط الشعر أكتر.
لكن من حسن الحظ، إن الشهر هيستعيد عافيته تاني، ويرجع لدورته الطبيعية بين النمو والتساقط والراحة، لكن أكيد محتاج وقت علشان يرجع يتعافى.
-
إزاي أوقف تساقط الشعر بعد الإصابة بكورونا؟
- التغذية: مع مرض الكورونا الجسم بيفقد فيتامينات وعناصر مهمة، زي فيتامين د والحديد والزنك، علشان كده محتاجة تعوضيهم بالنظام الغذائي الصحي والمتوازن والغني بالعناصر اللي جسمك فقدها.
- اتعاملي بلطف مع شعرك: واتجنبي كل الحاجات اللي ممكن تخلي حالته تتراجع، زي كريمات الفرد، وكل المركبات الكيميائية، والصبغة والحرارة، والنتف والتقطيع.
- ارجعي لطبيبك: قبل ما تاخدي أي دوا ممكن يساعد على تطويل الشعر، لإن هو أقدر واحد على وصف الدوا المناسب ليكي ولشعرك، ولتحديد الجرعات المناسبة لحالتك.
- إهدي: التوتر والقلق من الحاجات اللي بتزيد من الحالة السيئة للشعر، علشان كده حاولي تخففي منهم، وتقدري تمارسي رياضات أو أنشطة تساعدك على الهدوء.
وبنتمنالك الصحة والسلامة.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
التعليق باستخدام حساب فيس بوك