في معظم البيوت بتفضل ستائر الصيف هي هي في الشتا، والعكس صحيح، سواء كانت ستائر مودرن أو ستائر كلاسيك، بلاك أوت أو شفافة، مش كتير يعرفوا وهو بيتفرجاو على كتالوجات ستائر ٢٠٢١و 2022 إن الفكرة والأهمية مش بس بأشكال الستائر لكن كمان في وظيفتها وإن في ستاير في الصيف وستاير تانية في الشتا والفرق بين الاتنين كبير. شوفي كمان لعشاق اللون الإسود: إزاي تدخلي اللون الإسود في ديكور البيت
ستاير الشتا واختلافها عن ستاير الصيف
الشبابيك والبلكونات بتقدملنا وظيفة عظيمة وهي تهوية الشقة و توفير إطلالة لأهل البيت، لكن خلال فصل الشتا بيكون استخدامنا للشبابيك أقل، مجرد فتحها للتهوية لوقت معين خلال النهار أو لنشر الغسيل وخلاص مش بنحتاج منها أكتر من كدا، بل على العكس إحنا بنحتاج نتخلص من أي فجوات أو دور ليها في التهوية، أو بمعنى أصح بنحتاج نعزلها كويس عشان ماتضيعش شوية الدفا اللي بنتمناهم من الدنيا جوه البيت.
عموما الستاير بتخلق فجوة هوائية بين الغرفة وبين الزجاج، ومعظم الستاير مش بتدفي ولا بتوفر عزل كويس خصوصا وقت الشتا ومن هنا بييجي الفرق بين ستاير الصيف وستاير الشتا.
إيه الفرق بين ستاير الصيف وستاير شتا
- ستاير الشتا عادة بتكون من قماش حراري والفتحات اللي بتتعلق من خلالها من فوق بتكون أكتر عشان ماتسمحش بوجود فجوات تذكر، يعني المسافة بين كل كوبشة “مشبك” والتاني بيكون من 4 لـ 5 سم على أقصة تقدير، كمان الستاير الشتوي كابتكونش قصيرة بالعكس، بتكون واصلة لحد الأرض وده عشان تمنع حركة الهواء الحرة وبالتالي ماتسربش الدفا اللي جوه البيت أو تدخل السقعة اللي برة، كمان الستاير الشتوي غير انها بتكون من قماش حرار عادة بتكون طبقتين على الأقل.
- الستاير الصيفي بتكون من قماس خفيف عاكس للحرارة وقصيرة عشان تسمح بحركة الهوا في الغرفة
شوفي كمان بالصور: أحداث أنواع الستائر المودرين
ليه لازم يكون عندك الاتنين؟
هيكون صعب جدا إنك تكملي السنة بنوع واحد بس من الستاير، عموما انتي محتاجة يكون عندك ستاير صيفي وستاير شتوي تغيري بينهم وده لأسباب كتير منها:
- الاستمتاع بفصول السنة.. عشان ماتكرهيش الشتا من شدة البرد وتلعني الصيف من شدة الحر، الستاير بتلعب دور كبير جدا في تظبيط درجة الحرارة
- بيحافظ على عمر الستاير: لما السنة تتقسم بين نوعين ستاير غير لما نفس القماشة تفضل متعلقة 12 شهر ورا 12 شهر مابيختلفش أمرها في حاجة غير إنها بتتغسل وبس.
- تجديد للديكور: تغيير الستاير بين الصيف والشتا بيغير من حالتك النفسية وبيحسسك بتغيير كبير جدا.
- بيمنع تكاثر البكتريا: تغيير الستاير وغسيلها بين تغيير الفصول بيعزز صحتك وصحة عيلتك لأنك هتضطري مع كل مرة تغسليهم بجانب المرات العادية اللي بتغسلي فيها الستاير وده هيمنع البكتيريا انها تتكون من موسم للتاني.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
المصادر:
التعليق باستخدام حساب فيس بوك