محتويات المقال
يا ترى يعني إيه كيس الحمل الفارغ وإمتي ينزل كيس الحمل الفاضي، طيب شكله بعد نزوله بيكون عامل ازاي؟ والأهم من كل ده يا ترى إيه هي أعراض كيس الحمل الفارغ، وبيحصل ليه وازاي؟ كل الأسئلة دي وأكتر هنجاوب عليها في المقال ده.
يعني إيه كيس حمل فارغ
كيس الحمل الفاضي عبارة عن حمل حقيقي، تم خلاله تلقيح البويضة وانغرست فعلا في جدار الرحم لكن لسبب ما الجنين مش بينمو في الوقت اللي المفروض ينمو فيه اللي هو الأسبوع الخامس أو السادس من الحمل، في حالة كيس الحمل الفارغ، الكيس بينمو لكن الجنين مش بينمو.
أسباب كيس الحمل الفارغ
الدراسات بتقول إن الموقف ده بيحصل في حالات زواج الأقارب بصورة كبيرة، لكن كمان فيه أسباب تانية زي:
- مشاكل في الكروموسومات
- خلل أو ضعف الحيوانات المنوية الخاصة بالزوج
- ضعف البويضة
- تطور غير طبيعي لخلايا البويضة الملقحة
أعراض كيس الحمل الفارغ
- تيست الحمل هيكون إيجابي
- وجع في الصدر
- غياب الدورة الشهرية
- ارتفاع هرمون الحمل
- بقع دم أو نزيف من المهبل
- تشنجات في البطن
تتصرفي إزاي بعد تشخيص كيس الحمل الفارغ
غالبًا الكيس هينزل في شكل دورة شهرية، لذلك بمجرد اكتشاف كيس الحمل الفاضي هيكون قدامك اختيار من اتنين، إما تستني نزوله بشكل طبيعي، خاصةً لو عمر الحمل صغير أو ممكن الدكتور يوصف لك أدوية تساعدك إنك تنزليه.
بعد الإجهاض الدكتور ممكن ينصحك بعملية تنظيف للرحم للتخلص من البقايا الموجودة فيه من الحمل المجهض، وغالبًا هتحتاجي تستنى تلات شهور قبل ما تفكري في حمل جديد، وممكن تحتاجي وقت أكبر حسب حالتك.
هل بيأثر على الحمل اللي بعد كده؟
حتى لو مريتي بالتجربة دي، الخبر الكويس إنه ده مش معناه إنك تقدري تحملي حمل سليم في وقت لاحق، لكن لو اتكرر الحمل في كيس فارغ، في الحالة دي الدكتور هيطلب منك فحوصات معينة متعلقة بالجينات عشان يفهم السبب.
المصدر
ويب طب
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
التعليق باستخدام حساب فيس بوك