أمهات كتير بيواجهوا مشكلة تسرب اللبن أثناء فترة الرضاعة الطبيعية للطفل، والنهارده هنفكر معاكي ونقترح حلول للمشكلة وأسبابها:
إيه سبب تسرب اللبن من ثدي الأم؟
- لما الأطفال يرضعوا بشكل طبيعي الأعصاب الموجودة في الحلمة بتبعت رسالة للدماغ “البيبي جعان”، والدماغ ساعتها بتستجيب بإفراز نوعين من الهرمونات – البرولاكتين والأوكيستوسين، والاتنين بيشتغلوا على تحفيز الثدي لإفراز الحليب بشكل سريع.
- في أمهات ممكن تحس بالوخز قبل ما يبدأ الحليب في التنقيط، وفي أمهات تانية بتحس إن في بقعة بلل على الهدوم غير مرحب بيها.
- وعلى الرغم من إن التسرب مشكلة منتشرة فهي مش بتحصل مع كل الأمهات، ده بيحصل عادة في الأسابيع الأولى لما يتغير جدول رضاعة الطفل بشكل مستمر، وبمجرد ما الطفل يكون ماشي على جدول رضاعة متسق ومرتب، وده بيحصل عادة من أول عمر شهر ونص لحد أربع شهور، ثدي الأم بيعرف كمية الحليب اللي يعملها وامتى يعملها والتسرب بيحصل بشكل أقل وممكن يقف تماما.
- وممكن تبقى مفاجأة لكتير من الأمهات إنهم يعرفوا حقيقة إن التسرب ممكن يحصل لما تفكري في طفلك أو تسمعي طفل تاني بيعيط أو لما تتأخري أو تعدي معاد الرضاعة وممكن بس لو أخدتي شاور بميه دافية.
أجمد 10 أنواع ببرونات أطفال في مصر
ازاي تقدري تتحكمي في تسرب اللبن؟
- ممكن ما تقدريش تتحكمي في إفراز اللبن لكن تقدري تديري الموضوع عن طريق أفكار كتير منها مثلا:
- لو كنتي قريبة من طفلك والتسريب بدأ، رضعيه.
- مش مشكلة لو رضعتيه مرة أو اتنين كوجبة خفيفة بعيد عن الجدول بتاع الرضاعة عشان تتخلصي من الحليب في وقت التسرب.
- جربي المنتجات المصممة لتجميع الحليب الزيادة.
- لو كنتي عايزة تحافظي على الحليب المتسرب دوري على منتجات تناسب ميزانيتك وصحتك وجمعي الحليب الإضافي، في سيدات كتير بتستخدم الأجهزة دي.
- استخدمي ضمادات الثدي للحماية قصيرة المدى وهي بتيجي بأحجام وأشكال مختلفة وفي منها لاستخدام المرة الواحدة وحاجات تانية قابلة لإعادة الاستخدام، ممكن تعمليها بنفسك باستخدام حفاضات من القماش أو نسيج قطن أو مناديل رجالية، غيريها بشكل مستمر وابعدي عن الفوط اللي ليها بطانات بلاستيك بتحبس البلل على الجلد.
- اختاري لبس مليان بالألوان الفاتحة والمطبوعات الصغيرة اللي هتغطي على كتير من الحوادث المؤسفة.
- حافظي على حس الفكاهة: ممكن يبقى الموضوع محرج بس خللي راسك مرفوعة وإيه يعني وكل الأمهات حصل لهم كده وكانوا في نفس موقفك مرة واحدة على الأقل، ابتسمي وعدي المرحلة بدون ضغوطات نفسية.
بالأسعار: أماكن بيع حمالات الصدر للرضاعة الطبيعية
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
المصادر:
What’s your Reaction?
التعليق باستخدام حساب فيس بوك