لما بيتأخر الحمل لفترات طويلة، أول حاجة بتيجي في بالنا إن الست هي اللي عندها مشكلة معينة، سواءً المشكلة دي لها علاج أو لا. لكن في حالات كتير بيكون الراجل هو سبب عدم حدوث حمل. والزوجين بيكتشفوا ده بعد رحلة فحوصات طويلة للزوجة. علشان كده، من الأفضل البحث عن سبب تأخر الحمل، عند الزوجين في نفس الوقت. لإن الراجل ممكن يكون بيعاني من مشاكل في الخصوبة، وبتوصل للعقم أحيانًا. وفي المقال ده، هنقول لك أسباب وعلاج العقم عند الرجال.
إيه هو العقم عند الرجال؟
عدم القدرة على الإنجاب لفترات طويلة، رغم الاستمرار في ممارسة العلاقة الجنسية، بدون استخدام وسائل منع الحمل.
هنا ممكن تشوفي أسباب تأخر الحمل بعد السنة الأولى
أسباب العقم عند الرجال
- دوالي الخصية: وهي تكتلات في الأوردة اللي بتصرّف الدم من الخصية، الأوردة دي ضرورية جدًا للحفاظ على درجة حرارة الخصية المنخفضة عن درجة حرارة بقية الجسم. فلما بيحصل الانسداد ترتفع حرارة الخصية. فبتقل قدرة الخلايا المنوية على الحركة.
- الإصابات المعدية: زي الأمراض المنقولة جنسيًا: الزهري، والكلاميديا، وأمراض تانية زي: التهابات غدة البروستاتا، وتلف الخصية بسبب مرض معين، والتهابات المسالك البولية وأعضاء الحوض.
- ارتداد القذف: بتوصل الحيوانات المنوية للمثانة بدل الخروج من نهاية القضيب. والحالة دي ممكن تحصل بسبب مرض السكر، والتصلب المتعدد، وإصابات العمود الفقري، والعديد من الأدوية المستخدمة لعلاج البروستات، والعمليات الجراحية، وإصابات في المثانة ومجرى البول.
- أجسام مضادة للحيوانات المنوية: الخلايا المنوية مختلفة عن كل خلايا الجسم. علشان كده، فيه نظام في الجسم اسمه الحائِلُ الدَّمَوِيُّ الخُصْوِيّ (Blood Testis Barrier)، وده بيمنع مهاجمة الخلايا المنوية من النظام المناعي. فلو الراجل مولود بأجسام مضادة للخلايا المنوية، بتقل نسبة الخصوبة عنده.
- الأورام: فيه أنواع مختلفة من السرطان ممكن تصيب الخصيتين، أو أنابيب نقل الحيوانات المنوية مباشرة والتسبب في اضطرابات هرمونية بتسبب منع إنتاج الخلايا المنوية.
- عدم نزول الخصيتين: بعض الرجالة بيحصل عندهم نزول خصية واحدة أو الاتنين ما بينزلوش لكيس الصفن في الوقت المناسب للنمو. وده بيؤدي لتطوير وظيفة غير طبيعية للخصية.
- اضطرابات هرمونية: إنتاج خلايا الحيوانات المنوية بيعمل تحفيز للهرمون المخصص لمواجهة الغدد التناسلية (GnRH) من غدة تحت المهاد (Hypothalamus)، والغدة النخامية، والخصية ذاتها، وغيرها من الهرمونات. الاضطرابات أو النقص في الهرمونات دي بيعمل اضطراب في إنتاج الحيوانات المنوية.
- التعرض للمبيدات الحشرية.
- التعرض للإشعاع.
- تعرض للمعادن السامة.
- القعاد في حمامات البخار أو أحواض المياه الساخنة.
- الركوب على الدراجة لفترات طويلة اللي بيخلي درجة حرارة الخصيتين ترتفع وده بيقلل من كمية إنتاج الحيوانات المنوية، وبالتالي معدل الخصوبة عند الرجل.
- التدخين.
- تعاطي المخدرات.
- نقص الفيتامينات والمعادن.
- زيادة أو نقص الوزن.
هنا ممكن تشوفي هل سمنة الرجل أو المرأة تؤثر على العلاقة الجنسية
العقم عند الرجال
علاج العقم عند الرجال
على حسب التشخيص الطبي لسبب العقم عند الراجل، بيتم علاج السبب ده عن طريق:
- الجراحة: زي حالات انسداد أوردة الخصية
- الأدوية: في حالات الاضطرابات الهرمونية، وبعض الأمراض وغيرها.
مع تمنياتنا بالسلامة والمعافاة لكل الرجال
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
المصادر:
ebteb.com
التعليق باستخدام حساب فيس بوك