رغم إن الأم بعد الولادة، بتكون محتاجة تغذية كويسة، سواء للرضاعة الطبيعية، أو للتعافي من جرح الولادة القيصرية، أو آلام الولادة الطبيعية، إلا إنها مرات بتتعرض لحالة من فقدان الشهية، وبتكون مش قادرة فعلًا على أي أكل. وفي المقال ده، هنقول لك إيه أسباب فقدان الشهية بعد الولادة، وإيه تأثيره على الأم، ونصايح للتغلب عليه.
أسباب فقدان الشهية بعد الولادة
- اكتئاب ما بعد الولادة هو السبب الرئيس لفقدان الشهية، والحالة دي مقبولة لو استمرت لحوالي 3 شهور بعد الولادة، لكن لو تطور الاكتئاب ده إنه يعيق حياتك اليومية، فلازم تزوري طبيب نفسي. اعرفي أكتر عن اكتئاب ما بعد الولادة هنا.
- التغيرات الهرمونية والتفاعلات الكيميائية في المخ، بتأثر جدًا على شهية الأم في فترة النفاس.
- طبيعي إن الأكل هيكون مختلف، لإن مش الأم هي اللي بتطبخ، بالإضافة إن فيه ناس وهي بتطبخ للوالدة، بتركز على القيمة الغذائية بدون ما تحط في اعتبارها طريقة الطبخ والتقديم، فده ممكن يأثر نوعًا ما على شهية الأم بعد الولادة.
تأثير فقدان الشهية بعد الولادة على الأم والرضيع
- جسم المرأة بعد الولادة، بيحتاج الفيتامينات والمعادن، لتعويض اللي الجسم فقده في عملية الولادة.
- إنتاج حليب الرضاعة الطبيعية، كمان بيحتاج تغذية ممتازة. اعرفي أكلات لزيادة لبن الأم من غير زيادة الوزن
- الشعور الدائم بالإرهاق وعدم الاهتمام بالبيبي، وممكن يتطور للدوخة والإغماء.
نصائح لعلاج فقدان الشهية بعد الولادة
- قسمي وجبتك الكبيرة إلى وجبات صغيرة كل ساعتين، وده هيساعد إن مستوى السكر في الدم يكون مستقر، ويكون في جسمك الطاقة اللي انتي محتاجاها.
- حاولي إضافة الوجبات الخفيفة والمفيدة إلى نظامك الغذائي واللي بتقلل من شعورك بفقدان الشهية وفي الوقت نفسه تحصلي على العناصر الغذائية الضرورية زي الفاكهة المفضلة ليكي أو الخضروات.
- غالبًا بيكون شرب الطعام أسهل من تناوله ومضغه، علشان كده تقدري تشربي السوائل الصحية والمغذية، فمثلا بدل ما تاكلي التمر، تقدري تضربيه مع الحليب وصنع مشروب مغذي وصحي، مليان بالطاقة ويسهل عليكي تناوله في حالة فقدان الشهية تجاه الطعام.
- حاولي التقليل من القلق والتوتر، بممارسة اليوجا أو التأمل، أو مشاركة زوجك الأفكار التي تدور في بالك، لأن أكتر ما يزيد فقدان الشهية سوء هو التوتر وعدم النوم الجيد بالليل.
- لو لقيتي إن حالتك بتزداد سوء، يبقى لازم تستشيري طبيب فورًا.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
المصدر:
dailymedicalinfo
What’s your Reaction?
التعليق باستخدام حساب فيس بوك