لما بيبقى عندنا مناسبة مهمة سواءً فرح أو اجتماع مهم أو حتى خروجة حلوة بنسبة ٩٠% لازم تطلع لنا حباية حلوة كده، وفي نص وشنا من حب الشباب تضرب البشرة والمناسبة بالنار D: والحقيقة إنه احتار العلماء في الأسباب اللي بتطلع حبوب الوجه قبل المناسبة المهمة، وكان أهم سؤال هي الحباية بتعرف منين إنه عندنا مناسبة قريب؟ لو دايمًا بيحصل لك كده وحب الشباب بيضايقك، وعايزة تعالجيه بطرق سهلة، هنقول لك في المقال ده على أسرع طرق علاج حب الشباب.
كيفية التعامل مع حب الشباب وتجنب ظهوره
قبل ما نقول لك على طرق علاج حب الشباب، هنقول لك على خطوات بسيطة تعمليها عشان تتعاملي مع بشرتك وقت ظهور حب الشباب وتتجنبي ظهورها مرة تانية:
- استخدمي غسول مناسب لنوع بشرتك بشكل يومي وخصوصًا عند الرجوع من البيت.
- اهتمي بوضع الصن بلوك قبل الخروج من البيت وعند التعرض للشمس ويفضل إنه يكون SPF 50.
- تقشير البشرة عشان تقدري تشيلي خلايا الجلد الميت وترطيبها باستخدام الماسكات المرطبة أو الكريمات.
- الاهتمام بالغذاء الصحي والبعد عن الأكل الدهني والمقليات والسكريات غير الصحية اللي بتزود من ظهور حب الشباب.
- تجنبي محاولة التخلص من الدهون أو السوائل اللي بداخل الحبوب بنفسك واستشيري الطبيب المختص.
ممكن تشوفي نصائح ذهبية لبشرة خالية من حب الشباب
طرق علاج حب الشباب بسرعة
خل التفاح
طرق علاج حب الشباب بسرعة في البيت
علاج سهل وبسيط ومتوفر في البيت ويعتبر مضاد بكتيري طبيعي وعلاج فعال لحب الشباب.
الطريقة:
امزجي معلقتين أو ٣ من خل التفاح، وخففيه بشوية مياه صغيرة وحطيه على المكان المصاب حوالي ربع ساعة واشطفيه.. كرري العلاج ده مرتين في اليوم.
اقري هنا عن فوائد خل التفاح واستخداماته
البيكينج صودا
طرق علاج حبوب البشرة والوجه بسرعة
مكون تاني من مطبخك بيساعد على علاج حب الشباب، البكينج صودا بتعمل تجفيف للجلد وتتخلص من الزيوت الزائدة اللي بتزود من ظهور حب الشباب.
الطريقة:
معلقتين كبار من البكينج صودا واخلطي معاهم شوية مياه صغيرة لحد ما تلاقي قوام متماسك وادهنيه على مكان حب الشباب واشطفيه بعد ما تسيبيه حوالي ربع ساعة.
نصائج للتخلص من اتتفاخ تحت العين
زيت شجرة الشاي
طرق علاج حبوب البشرة والوجه بسرعة
فوائد زيت شجرة الشاي اتعرفي عليها أكتر هنا
زيت شجرة الشاي بيساعد على ترطيب الجلد والتقليل من الالتهاب وبيخفف من ظهور حب الشباب، سواءً عندك حب شباب أوبشرتك معرضة لظهوره خلي عندك زيت شجرة الشاي في البيت واستخدميه للوقاية كل أسبوع.
الطريقة:
هاتي قطنة وحطي عليها الزيت بدون تخفيف وادهني المنطقة المصابة بيه وكرري مرتين في اليوم.
المراهم والكريمات
طرق علاج حبوب البشرة والوجه بسرعة
لو عايزة حل سريع وفعال لحب الشباب ممكن تستشيري دكتور جلدية عن أفضل كريم لعلاج حب الشباب وزي المراهم والكريمات اللي بتحتوي على الريتينول وفيتامين أ.
لو استمرت المشكلة عندك، حتى بعد العلاجات المنزلية، بننصحك تستشيري الطبيب عشان يقدر يشخص المشكلة والعلاج وبنتمنى لكم دوام الصحة والسلامة 🙂
لو أول مرة تسمعي عن زيت السعد، فهنا فوائد زيت السعد لمنع نمو الشعر
المصدر
Mayoclinic
التعليق باستخدام حساب فيس بوك