أحيانًا بيحتاج الطبيب آشعة الرنين المغناطيسي للمريضة أثناء الحمل، وعمومًا تجربة الدخول لجهاز الرنين المغناطيسي بتكون مخيفة لناس كتير حتى لو مفيش حمل، فما بالك من الحامل اللي بتقلق تعدي من جمب مراكز الآشعة أصلًا، عمومًا بيفضل السؤال هو لو الطبيب محتاج أشعة الرنين المغناطيسي خلال الحمل، هل ده آمن ولا لأ؟ الإجابة في المقال ده.
ليه ممكن دكتور يطلب أشعة رنين؟
لما الأم بتتعب خلال الحمل بيتم اعتبارها هي وطفلها الاتنين بيمروا بنفس الظروف الصحية مع بعض، لذلك التعامل بيكون مع اتنين مش مع واحد، لذلك وبناء على الحالة الصحية والاحتياجات الطبية ممكن الطبيب يطلب فحص التصوير بالرنين المغناطيسي MRI، إذا كان الوضع ما يستناش لبعد الولادة.
هل في بدائل للتصوير بالرنين المغناطيسي؟
أيوة فيه، والبدائل دي أكتر حاجة بيتم استخدامها أثناء الحمل، عشان الطبيب يقدر ياخد صورة واضحة عن الحالة، لكن في حالة لو التصوير بالموجات فوق الصوتية مقدمش إجابة واضحة أو إذا كانت في أجزاء تانية من الجسم محتاجة تصوير، هنا بيكون في حاجة ماسة للفحص بالموات فوق الصوتية للحصول على المعلومات اللي دكتور محتاجاها.
عموما من ضمن البدايل فخوصات الآشعة المقطعية بالكومبيوتر CT ودي مفروض إنها آمنة لكن لأنها برضو بتستخدم الآشعة السينية بتفضل الموجات فوق الصوتية هي الأفضل. اقري كمان: إزاي اختار الطبيب المناسب لمتابعة الحمل
مخاطر آشعة الرنين المغناطيسي خلال الحمل
رغم كل التخوفات والتحذيرات مفيش مخاطر مؤكدة على السيدات الحوامل أو الأطفال اللي بيتعرضوا لآشعة الرنين المغناطيسي، وعلى مدار الـ 30 سنة اللي فاتوا في آلاف السيدات الحوامل اللي خضعوا لفحوصات التصوير بالرنين المغناطيسي، ومكانش في أي آثار ضارة معروفة على الطفل.
لذلك بننصح كل أم إذا الطبيب قال إنك محتاجة للفحص بالرنين المغناطيسي، وإنه ضروري لتشخيص مرض خطير أو عاجل ماترفضيش بسبب الخوف من الفحص، وافتكري إن أهم عامل خلال عملية الولادة هو صحة الأم، مادمتي بصحة جيدة طفلك كمان هيفضل بصحة تمام.
حقن الصبغة إيه نظامه؟
أحيانا بيكون جزء من عملية الرنين المغناطيسي حقن صبغة أو مادة تباين عشان الآشعة تكون أوضح، ودي عموام في بتستخدم عادة أثناء الحمل لكن إذا كانت ضرورية للإجابة على أسئلة الطبيب في الحالة دي بيتم حقنها لكن في الحالة دي بالذات بيتم استشاري طبيب ذو خبرة في مجال الآشعة والتصوير الطبي عشان يقول رأيه الحالة هتحتاج ده ولا لأ.
كلمة أخيرة
التعب والمرض مش حاجة جميلة، والأولوية بالنسبالك هي صحتم وإنك تكملي حملك على خير وفي سبيل ده مطلوب منك تعملي كل اللي مطلوب منك عشان تحققي الهدق ده بالذات، صحيح بنخاف من الرنين المغناطيسي لكنه في بعض الأحيان بيكون مفيد لصحة أمه.
اقري كمان: تعرفي إيه عن آشعة صبعة الرحم
التعليق باستخدام حساب فيس بوك