ساتر الرضاعة من أهم الحاجات اللي هتحتاجي تشتريها، ضمن تحضيراتك لاستقبال البيبي الجديد، هتلاقيها متوفرة في أماكن كتير على اختلاف مستواها وأسعارها من سنتربوينت للتوحيد والنور، وكمان على اختلاف أنواعها زي جونيور وغيره. المهم إنك تكوني مقررة ومستقرة على شكل من أشكال الساتر وده اللي هتقدري توصلي ليه بعد ما تشوفي صور ساتر الرضاعة في المقال ده حسب النوع.
دليل أشهر استشاريين الرضاعة الطبيعية
شال الرضاعة
ساتر الرضاعة الشال، عبارة عن قطعة ملابس بلون محايد زي الرصاصي أو الإسود أو الأبيض، ممكن يليق على أي قطعة ملابس وبقماشة مناسبة في درجات الحرارة العالية.
ساتر الرضاعة الخفيف
الشكل ده من أشكال الساتر أقرب للشال اللي بتلبسه المحجبات كل يوم، لكن مقفول من ناحية الكتف، عشان يستر البيبي وفي نفس الوقت معمولة من قماشة متحررش في الأجواء الصيفية الحارة.
الساتر التقليدي الفاتح
ساتر رضاعة أقرب لمريلة المطبخ، سيدات كتير بتفضله لأنه مريح وسهل وعملي جدا، لكن عيبه الوحيد في خامته التقيلة، وإنه بيكون واضح إنه مخصوص للرضاعة مش قطعة من ملابس الأم العادية.
ساتر بلون محايد
اللون الرصاصي واحد من أكتر الألوان المحايدة اللي بتليق على معظم اللبس، لذلك بنرشح ليكي ساتر الرضاعة التقليدي، بلون الرصاصي واللي مش بس مش ملفت لكن كمان شيك وعملي جدا، هيكون جوه الشنطة تستخدميه مع كل مرة تحتاجي فيها تفطمي طفلك، قماشته بتكون منشية شوية وتقيلة عشان تستر خلال الرضاعة وماتطيرش من أي شوية هوا أو فرك من البيبي.
ساتر الرضاعة بأستك
النوع ده من سواتر الرضاعة مش بيعتمد على الخامة التقيلة لساتر الرضاعة التقليدية، وإن كان نفس الفكرة، لكن بينتهي بأستك محكم يحتمل حركة الطفل وضرباته المفاجئة اللي ممكن تكشف الأم أثناء الرضاعة الطبيعية.
الساتر الإسكارف
واحد من أشيك أشكال الساتر، لأنك مش هتحتاجي تزحمي بيه شنطتك اللي بتكون زحمة فعليا بحاجة البيبي، وفي الحالة دي بيكون جزء من لبسك بلونه المبهج وشكله الجميل، لكن عيبه الوحيد هو الخامة اللي غالبا مش هتكون مناسبة إلا في حالة البيبيهات حديثي الولادة.
ساتر الرضاعة الشتوي
الساتر الشتوي، قطعة شيك جدا وفي نفس الوقت تدفي الطفل والأم، في وقت البرد، وتستر عملية الرضاعة بنجاح.
والصيفي
الساتر الصيفي الخفيف بلون مبهج واحد من أكتر أشكال سواتر الرضاعة عموما اللي هتفضليها لو كان البيبي عمره صغير، عشان الحركة الكتير مش هتكون مناسبة معاه.
ساتر الرضاعة الشفاف
الساتر الشفاف المناسب للسهرات، شيك جدا لو عندك مناسبة بعيدا عن الألوان الفاتحة والمشجرة، أكتر ساتر رضاعة مناسب للفساتين والسهرات.
ساتر الرضاعة نهاري
الساتر المشجر الكتان هو أنسب اختيار لو خارجة بالنهار، في الصيف، خفيف ولطيف ومميز جدا.
5 نصائح قبل تخزين الملابس الشتوي
ساتر الجاكت
الساتر الجاكت، لونه حيادي وقماشته مناسبة، ومش ملفت بأي شكل، وكمان مميز جدا كقطعة ملابس خروج.
ساتر الرضاعة المقلم بكباسين
الساتر المقلم مع كباسين على شكل سكارف، مميز جدا للناس اللي بتدور على حاجة شيك جدا ومميزة كمان، في رأينا واحد من أجدد وأجمل أشكال ساتر الرضاعة اللي فعلا بنرشحه لو انتي لسة ماشترتيش
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
التعليق باستخدام حساب فيس بوك