طرق التربية السليمة بقت حاجة أساسية في حياة كل مقدمي الرعاية للأطفال سواءً كان أب وأم أو كانوا المدرسين. بقينا كلنا نحاول نقرأ ونفهم أكتر إيه أهم أساسيتها وأدواتها اللي هتساعدنا في رحلة بناء إنسان سوي قادر يواجه الحياة بنجاحاتها وإحباطاتها. عشان كده جبنا لك أهم كتب في التربية اللي هتلاقيها في مكتبة ديوان بفروعها.
وتقدري تستخدمي كارت خصومات راحة بالي علشان تحصلي على خصم على الكتب دي من مكتبة ديوان.
Positive Discipline
أهم وأول كتاب في التربية الإيجابية كتاب جين نيلسن، وهي عالمة نفس ومربية وأم لسبع أبناء. بتقدم في الكتاب ده أساس التربية الأول وهو إن الطفل محتاج يحس بالأهمية والانتماء عشان نتجنب سوء السلوك وبتقول إن مفتاح الانضباط الإيجابي هو الاحترام المتبادل بين الطفل والمُربّي. جين بتسعى لتدريب أولياء الأمور والمدرسين على تطبيق التربية الإيجابية وعلى التعامل بحزم وطيبة في نفس الوقت. الكتاب ده مفيد جدًا لأي حد محتاج يتعلم أكتر عن التربية الإيجابية بشكل صح وبتحكي فيه جين مواقف حياتية كتير تقدر تساعدنا وتسهل لنا وصول الفكرة. الكتاب موجود في فروع مكتبة ديوان وسعره 350 جنيه.
Whole Brain Child
كتاب نزل في الأسواق سنة 2012، قام بكتابته عالم الأعصاب دانييل سيجل وخبيرة التربية تينا باين برايسون وبيتكلم عن كيفية فهم عقل الطفل وإزاي بيتطور وطريقة ترجمته واستقباله للمواقف على حسب العمر. الكتاب ده كمان مفيد للأطفال جدًا إننا نشرح لهم تطور عقلهم وتقبلهم لمشاعرهم وسبب ردود فعلهم عشان نقدر نساعدهم للسيطرة على انفعالاتهم وقت الغضب.
قراية الكتاب ده هتساعدك إنك تحولي أي نقاش أو خناقة مع طفلك لموقف إيجابي تقدري تفيدي بيه طفلك بعد فهمك الصح لتفكيره عشان تقدري تربي أطفال هادية نفسيتهم متوازنة وأسعد. تقدري تشتري الكتاب من مكتبة ديوان بـ 385 جنيه.
Strengths Based Parenting
كتاب للكاتبة ماري ريكوير سنة 2016 بتتكلم فيه عن اكتشاف الحاجات اللي بتميز ولادنا وكمان نكتشف مميزاتنا عشان نقدر نوظفها صح في تربية أولادنا. هتلاقي في الكتاب ده نصايح عملية وأمثلة. غير إن فيه اختبار تقييم واحد للأب والأم وواحد تاني للطفل عشان تقدري تكتشفي مميزاتك ومميزات أطفالك. تقدري تشتري الكتاب من مكتبات ديوان بـ 515 جنيه.
What To Expect When You’re Expecting
كتاب هايل لكل أم حامل بيجاوب على كل أسئلتك اللي بتدور في دماغك عن البيبي. كمان بيتكلم عن نمو الجنين أسبوع بأسبوع، وكمان بيكلمك عن حالتك النفسية والتغذية بتاعتك فترة الحمل وموضوعات تانية كتير. هتلاقيه في فروع ديوان بـ275 جنيه.
What To Expect The Toddler Years
الكتاب ده دليل لكل أم بتبدأ رحلة التربية مع طفلها اللي وصل لسن سنتين وبدأ يكتشف العالم من حواليه. هتلاقي في الكتاب تطور الطفل في عمر السنتين والتلات سنين والقدرات الجديدة اللي بيكتسبها شهر بشهر. هتلاقي كمان فيه مواضيع مفيدة ليكِ في المرحلة دي زي البوتي تريننج ومشاكل النوم وإجابات عن معظم أسئلتك في السن ده. الكتاب متوفر في فروع ديوان بـ 275 جنيه.
What To Expect The First Year
ده بقى الكتاب اللي ما ينفعش أي أم لأول مرة ما تقراهوش. من أكتر الكتب مبيعًا حول العالم، بيتكلم عن الطفل حديث الولادة في أول سنة من عمره وتطوره الطبيعي شهر بشهر والكتاب شامل لكل حاجة تخص البيبي في الوقت ده. وكل حاجة الأم محتاجة تعرفها وأي حاجة ممكن تقلقها، هتلاقي لها اجابة في الكتاب. موجود في فروع مكتبة ديوان بـ 275 جنيه.
What To Expect The Second Year
من أحلى الكتب اللي بتتكلم عن الطفل في سن السنتين بالذات عن تطوره المفاجيء وحركاته الجديدة اللي مش ممكن تتنسي وحب استطلاعه وفضوله اللي ما بيخلصش. الكتاب متوفر في ديوان بـ 330 جنيه.
Contented Toddler Years
الكتاب ده كمان بيتكلم عن السنتين التانية والتالتة من حياة الطفل والتغيرات اللي بتحصل للعادات زي الأكل وتغيير النوم. بتعرض الكاتبة رؤيتها وبتقدم بعض النصايح عن تطور الطفل في المشي والكلام والتسنين، ده غير إنها بتقدم حلول لمشاكل زي نوبات الغضب والغيرة من الأخوات. تقدري تشتريه في ديوان بـ360 جنيه.
Positive Parenting
من أكتر الكتب مبيعًا في العالم، كتاب كلاسيكي رائع بيساعد أي أم وأب وكمان مدرسين في التعامل مع الأطفال بطريقة فيها احترام متبادل تساعد الطفل على النمو في بيئة سوية. متوفر في فروع ديوان بـ330 جنيه.
فريق راحة بالي بيشجع كل أم إنها تقرأ في التربية وطرق التعامل مع الأطفال بمختلف أعمارهم عشان نقدر نطلع جيل متزن يغيّر العالم لمكان أفضل.
التعليق باستخدام حساب فيس بوك