محتويات المقال
غالبًا في فترة الحمل بنخاف من التطعيمات للحامل، زي ما بنخاف من الأدوية بالزبط، والحقيقة إن في فرق كبير بينهم، لإن بعض تطعيمات فترة الحمل حتى وإن كان لها شوية أعراض جانبية بس بتكون صحة الحامل معرضة لخطر أكبر هي والجنين لو ما أخدتش التطعيم ده، علشان كده هنقولك على أهم وأشهر تطعيمات ضرورية وأساسية ليكي خلال فترة الحمل.
-
ليه في تطعيمات مسموحة وبعضها ممنوعة في الحمل؟
- لإن تكوين كل تطعيم بيختلف، فالمسموح بيه هي التطعيمات المكونة من فيروسات ميتة أو معطلة، والتطعيمات الممنوعة هي المبنية على فيروسات حية.
- في بعض التطعيمات مش بتكون لسا في دراسات تثبت أمنها على الحوامل.
- في تطعيمات بيكون مؤكد علميًا إن لها تأثير خطير على الحامل أو الجنين، زي الجلطات اللي بتعرض الحامل لخطر الإجهاض مثلا.
-
إيه هي أهم تطعيمات أثناء فترة الحمل؟
- لقاح الإنفلونزا: وخصوصًا أثناء مواسم الإنفلونزا، وهو آمن على الحامل وعلى الجنين، ولازم تتأكدي إن اللقاح مش على صورة بخاخ.
- لقاح السعال الديكي اللاخلوي: بينصح الأطباء بجرعة واحدة منه خلال كل حمل، لإنه بيحمي المولود الجديد من السعال الديكي، وبيتاخد ما بين الإسبوع الـ 27 والـ 36 من الحمل.
- لقاح فيروس كورونا: وده بيحدد نوعه ليكي الطبيب المتابع لحالتك وعلى حسب توافر الأنواع في بلدك، لإن فايزر هو النوع المحبذ للحوامل، فلو مش متوفر لازم الدكتور هو اللي يختار لك.
- لقاح الالتهاب الكبدي B: وده بتاخديه لو الدكتور شاف إنك معرضة للعدوى لا قدر الله.
هنا ممكن تشوفي هل الحامل والمرضع تاخد لقاح الكورونا ولا لا؟
-
اللقاحات الممنوعة على الحوامل
- لقاح جدري الماء (الحماق)
- لقاح الحصبة والنكاف والحصبة الألمانية (MMR)
- لقاح الهربس النطاقي
ولو بتخططي للحمل، لازم تسألي طبيبك عن اللقاحات المطلوبة قبل الحمل، وإذا مطلوب تأجيل الحمل بعد لقاحات معينة، وطبعًا أثناء الحمل ماينفعش تاخدي تطعيم من غير ما تسألي الدكتور.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
المصدر:
mayoclinic.org
What’s your Reaction?
التعليق باستخدام حساب فيس بوك