خلينا نعترف إن كمية المصاريف اللي بنلاقي نفسنا مضطرين أو مغصوبين إن إحنا نصرفها في المناسبات والأعيادة جاية من ناحية خوفنا للناس تقول علينا حاجة، أو يفتكروا إن إحنا بخلاء أو حتى شكلنا الإجتماعي يتأثر. بس الحقيقة الأعياد بتيجي علشان بشكل أساسي نفرح مش نتأثر نفسيا وماديا، بس وعلى الرغم من كل ده وباقي أيام على عيد الأضحى 2021 إحنا النهاردة هنتكلم مع بعض في إزاي نقدر نبسط أولادنا ونشتري لبس العيد و أضحية عيد الأضحى أو نشترك فيها أو حتى نزود من كم اللحوم اللي بنشتريها في الشهر من باب الإحتفال بالمناسبة دي.
إيه هي ملابس العيد المناسبة لعيد الأضحى 2021؟
الأول خلينا نتكلم عن اللبس لأولادنا، البند ده بيشكل في العموم توتر، بس لحسن الحظ إن عيد الفطر السنة دي جه في الصيف، فلبس العيد الصغير اللي جه مازال مناسب للعيد الأضحى اللي جي في صيف2021.
فتعالي نشوف مع بعض شوية نصائح هتساعدك في المهمة دي
من أحلى أكلات عيد الأضحى الفتة .. هنا 3 طرق لعمل فتة العيد
إزاي تشتري ملابس عيد الأضحى 2021؟
فيه قواعد أساسية كتيرة هتحتاجي تعرفيها لما تيجي تشتري، ةف نفس الوقت فيه شوية خطوات لو عملتيها، هتلاقي نفسك بتشتري كمية ملابس كويسة جدا وبأسعار ممتازة، زي مثلا:
- سيبك من فكرة الطقم الكامل:
جرت العادة إن المحلات تقعد تعملك أطقم كاملة وتغريكي بفكرة إن عليها تخفيض، بينما في الحقيقة إنك لو أستسلمتى للعرض ده، هتلاقي نفسك بتصرفي فلوس كتير جدا، علشان كدة ما تنبهريش بالعروض اللي بتكون محطوطة في أول المحل، إدخليه من جوة وهاتي اللي إنتي محتاجة ليه بس.
- اختاري القطع الحيادية:
يعني لو عندك ولد وبنت من الذكاء إنك تختاري قطع ملابس مناسبة للجنسين، زي الملابس الرياضية والجاكيت الجينز، والقمصان القطنية الكتان، هتلاقي إن الموضوع ده بيوفر عليكي بشكل لا تتخيليه، ويتيح ليكي فرصة التنوع في إستيلات لبس الإتنين.
- اشتري الملابس الخفيفة:
فصل الصيف هو فصل اللعب والحركة، علشان كدة إنتي مش محتاجة أبدا في فصل الصيف تصرفي مبالغ كبيرة على الملابس، دوري عن الملابس المناسبة للعب، زي البنطلونات القصيرة أو الجيبات البسيطة للبنات،بجانب إن الملابس الخفيفة البسيطة في تفاصيلها هي الأنسب والألطف في الصيف.
- دوري عن العروض الممتازة:
من الأفضل لما تيجي تشتري الملابس الخفيفة للأطفال أنك تشتريها بأفضل سعر، دوري على المحلات اللي بتعمل عروض حلوة، زي مثلا إشتري قطعتين بنفس سعر قطعة، أو المحلات اللي بتبيع بأسعار محددة.
- إتأكدي من سياسة الاسترجاع:
من الأفضل إنك تختاري التعامل مع المحلات اللي عندها سياسة استرجاع وتبديل،لأن كلنا اللي بيحصل معانا إن من الزحمة والتوتر والخوف على الأولاد أو حتى زنهم في طلب شيء، بنروح البيت نلاقي الحاجة دي كارثة غير ناطقة، علشان كدة مهم جدا تكوني متأكدة إن المحل بيوفر لك الخدمة دي، وإنك تكوني محتفظة بالريسيت كمان.
- اشتري لبس العيد القطع التكميلية:
إنتي عادري جدا إن ولادك يلبسوا في العيد الكبير نفس لبس العيد الصغير طالما حالة الملابس جيدة، ويكون التجديد في إنك تشتري أكسوار جديد ليهم، زي ساعة مثلا، شربات جديدة، توك جديدة لبنتك، نظارة شمس، شنطة ضغيرة، كدة يعني، علشان تفضلي محافظة على بهجة الجديد في المناسبات دي.
- حبي الـ outlet:
من العلاقات اللي بعتبرها عميقة ومهمة، هي العلاقة بالoutlet، اللي هو شراء كتير بأسعار حلوة وعيوب لا ترى أصلا، في الفترات اللي زي الأعياد بيكون التفكير في إنك تجيبي قطعتين أو تلاتة من هناك هتفرق معاكي كتير على مستوى الماديات ومستوى الشياكة.
أضحية عيد الأضحى 2021
العيد الكبير فيه فرق كبير في مصاريفه عن العيد الصغير بسبب بند اللحمة، لو الإمكانية تسمح بالتضحية، مش لازم يكون بالكامل، يعني فكرة الإشتراك فكرة إقتصادية وبتأدي نفس الثواب، وممكن تقرري تدفعي مبلغ صك أضحية للجمعيات الخيرية وتجيبي لبيتك عدد من الكيلوات علشان تعملي لهم فتة العيد وتتجمعوا وتنبسطوا كلكم.
تعرفي على أسماء قطعيات اللحوم .. وما يناسب كل أكلة
في النهاية إحنا كلنا لازم يكون عندنا إصرار إن إحنا نفرح في العيد وننبسط مع بعض، بس ما تنسيش الإجراءات الإحترازية، لأن إحنا فعليا مش بنقدر نقاوم فكرة إن إحنا نتجمع مع بعض على سفرة الفتة في العيد الكبير، وكل سنة وإنتوا طيبين.
التعليق باستخدام حساب فيس بوك