محتويات المقال
تأخير التطعيم واحد من أكتر الحاجات اللي بتحصل لأسباب كتير، سواء بسبب ظروف صحية للأم، أو الطفل زي إنه يكون في حضانة أو عنده دور تعب فيه سخونية أو مرض، أو الطفل وزنه قليل، في كل الأحوال ممكن يحصل تأخير تطعيم. سواء تم تاخير تطعيم 6 شهور أو تم تأخير تطعيم السنة، هنقول لك في المقال ده إيه اللي ممكن يحصل وتتصرفي إزاي لو ده حصل.
يعني إيه تطعيم أصلا؟
التطعيم عبارة عن منتج بنديه للأطفال في مرحلة الطفولة المبكرة عشان نحميه من الأمراض الخطيرة أو القاتلة، وبيكون عبارة صورة ضعيفة من الامراض الخطيرة والقاتلة عشان الجسم يتعرف عليها ويكون دفاعات طبيعية جواه ضد الأمراض فيقتلها بسرعة وفعالية بدون ما تتحول لعنصر خطر على مدار حياة الشخص. بالفيديو: 3نصايح مهمة للأمهات يوم التطعيم
بيقولوا التطعيمات بتعمل توحد!
اقري كمان: أشهر 5 اشاعات عن التطعيمات لازم تعرفيهم
واحدة من أكتر الإشاعات السخيفة اللي طلعت خلال السنين اللي فاتت إن اللقاحات بتعمل توحد وإنها خطر، ووصل الأمر لاعتبارها مؤامرة عالمية، عموما هيئة الأمم المتحدة للأمومة والطفولة يونيسيف بتطمنكم وبتقول إن التطعيمات عموما آمنة جدا، وإن الأخطار اللي بتهدده في حالة لو مخدش التطعيم أكبر بكتير من الأخطار اللي بتهدده وهو مش واخده، واللي لازم تنكون عارفينه إن التطعيمات بتخضع لاختبارات صارمة جدا، وتجارب سريرية دقيقة قبل ما يتم الموافقة عليها، وبالتالي هي بتلبي في كل الحالات معايير الجودة والسلامة ومفيش منها خوف أو قلق، ويكفي إننا نعرف إن التطعيمات اللي الأطفال بياخدوها أنقذت حياة 21 مليون طفل على مستوى العالم بين سنة 2000 و2017، الأطفال كانت بتموت بسهولة قبل كده بسبب أمراض زي الدفتيريا وشلل الأطفال والحصبة دلوقتي بقت أمراض سهل التغلب عليها بحقنة أو مجموعة حقن حسب جدول تطعيم الطفل. اقري كمان: أعراض التوحد: 20 علامة بتقول ان طفلك ممن يكون عنمده توحد
ينفع أؤخر التطعيم؟ يحصل إيه لو أخرته؟
الإجابة لأ، لو الطفل معندوش مشاكل، ماينفعش تأخر التطعين لأننا بالطريقة دي بنزود فرص تعرض الطفل للمرض، لو قلبك على الطفل وصعبان عليكي الضيق اللي بيشعر بيه بعد التطعيم، افتكري المعاناة الاكبر اللي ممكن تحصل لو جاله المرض بالفعل وهو ما خدش التطعيم وعمومًا كل يوم تأخير بيعرض الطفل لخطر انتي في غنى عنه. اقري كمان: يوم الولادة: 5تطعيمات إجبارية للطفل أول 24 ساعة
لو فوتي التطعيم تعملي إيه؟
تستسشيري الدكتور أو المسئولين عن التطعيم في أقرب وحدة صحية ليكي وهم يوجهوكي إزاي تتداركي التأخير وكمان يدوكي المواعيد المظبوطة لان مواعيد التطعيم بتختلف على مدار الأسبوع حسب العمر ونوع التطعيم.
اقري كمان: قائمة التطعيمات الإجبارية لطفلك من لحظة الولادة لحد سنة ونص
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
المصادر:
التعليق باستخدام حساب فيس بوك