في أمهات كتير في العالم بيستخدموا زيت الزيتون لتدليك أطفالهم من غير أي مشاكل خالص، بس الأبحاث الجديدة كشفت إن ممكن زيت الزيتون ما يبقاش أحسن حاجة لتدليك بشرة طفلك خاصة لو جافة أو متشققة، بالعكس لو جافة أو متشققة من الأفضل إنك ما تستخدميهوش.
وقبل ما تحسي إنك ما تقدريش تستخدمي منتجات طبيعية لبشرة طفلك، اعرفي إن في مجموعات كتير من الزيوت اللي ممكن تستعمليها، أما ليه تتجنبي زيت الزيتون فده اللي هنعرفه سوا في المقال ده
أضرار زيت الزيتون لبشرة طفلك
- بيحتوي زيت الزيتون على نسبة قليلة من الأحماض الدهنية زي حمض اللينوليك ونسبة مرتفعة في حمض دهني تاني اسمه حمض الأوليك.
- حمض اللينوليك ممكن يقوي حاجز بشرة طفلك، بس من ناحية تانية ممكن حمض الأوليك يخلي بشرة طفلك فيها طبقات مساميتها عالية.
- لو بشرة طفلك مساماتها عالية فده معناه إنها مفتوحة وممكن ما تحتفظش بأي زيت أو مياه بيتحطوا عليها، وده معناه إن حمض الأوليك هيزيد من خسارة رطوبة بشرة الطفل لو هو أصلا بيعاني من الجفاف.
- مثلا لو لا قدر الله طفلك عنده إكزيما، استخدام زيت الزيتون هيزود الإكزيما مش هيقللها.
- في خبراء بيقولوا إن حمض الأوليك ممكن يكون ضار حتى للبشرة الصحية، بس في أبحاث تانية بتقول إن الآثار دي مؤقتة ومفيش دليل على ضرر وقته طويل.
كيفية التعامل مع ارتفاع حرارة جسم الطفل
- إحنا عارفين إن في ناس كتير بتستخدم زيت الزيتون على بشرتها وفي ناس تانية بتستخدم مرطبات ومستحضرات تجميل للكبار، لكن مهم إننا نعرف إن بشرة الأطفال حساسة أكتر بكتير من الكبار.
- بس مافيش حاليا أي بحث حول لو كان زيت الزيتون اللي بيستخدم في التدليك ضار للأطفال اللي عندهم بشرة صحية كويسة، الأبحاث بتكون حوالين آثار حمض الأوليك النقي بدل زيت الزيتون.
- ومع كده، في دراسة من الدراسات اللي اتعملت على البالغين لقت إن استخدام زي الزيتون مرتين يوميًا كان له تأثير على الجلد، زيت الزيتون تسبب في تليف حاجز الجلد وعمل احمرار خفيف، حتى في حالة عدم وجود تاريخ للبشرة الحساسة، وبالمقارنة زيت بذور عباد الشمس فيه نسبة أعلى من حمض اللينوليك بيحمي مسامات البشرة وبيحسن مستويات ترطيبها.
- الدراسة دي أثارت أسئلة عن مدى أمان استخدام زيت الزيتون على جميع أنواع البشرة والأعمار، بما في ذلك الأطفال، وخاصة اللي عندهم بشرة جافة، في أبحاث دلوقتي حول زيت الزيتون وتأثيره على الأطفال الأصحاء واللي عندهم إكزيما، والنتايج دي هتساعد في المستقبل على الإجابة.
- بس لو كان عندك تاريخ عائلي للإصابة بالإكزيما أو كان طفلك بيعاني من جفاف الجلد، فمن الأفضل إنك ما تحطيش شيء على بشرة طفلك ممكن يسبب مشكلة، وممكن تستخدمي زيت معدني للأطفال أو زيت نباتي غني بحمض اللينوليك، زي زيت العصفر، من الأفضل استخدام المرطبات الطبية لطفلك للتدليك بدل من زيت الزيتون.
د.محمد جميل: بالفيديو أمراض فصل الشتاء والوقاية منها
المصادر:
What’s your Reaction?
التعليق باستخدام حساب فيس بوك