مرات كتير في الفترة دي، وإحنا داخلين على فصل الخريف وفصل الشتاء، بنحس بضيق شديد بيوصل للاكتئاب مع إننا مش بتكون عندنا أسباب حقيقية أو معروفة للاكتئاب ده، لو حسيتي بكده فمتقلقيش، ده طبيعي واسمه الاكتئاب الموسمي وممكن يجي لأي شخص، هنقول لك دلوقتي إيه هو الاكتئاب الموسمي وأعراضه وطرق علاجه.
إيه هو الاكتئاب الموسمي؟
هو اضطراب عاطفي بيحصل مع دخول فصل الخريف وفصل الشتاء، وبتختلف درجاته من شخص للتاني،لكن غالبًا بتكون أعراضه في فصل الخريف أقل من فصل الشتاء، وله طرق علاج طبيعية وسهلة.
هنا ممكن تشوفي 10 طرق لدعم صديقتك المصابة بالاكتئاب
إيه هي أعراض الاكتئاب الموسمي؟
- الشعور بالحزن.
- الإرهاق.
- ضعف القدرة على التركيز.
- فقدان الاهتمام بالقيام بالنشاطات المفضلة.
- الشعور بالاضطراب والقلق.
- ازدياد الشهية والرغبة الشديدة بتناول الكربوهيدرات.
- تغير في نمط النوم والنوم لساعات طويلة.
- صعوبة في اتخاذ القرارات.
إمتى يكون الاكتئاب الموسمي خطير؟
في العادي الاكتئاب الموسمي مش خطير، إلا في حالات معينة، وبتتعرف من إن الأعراض العادية للاكتئاب الموسمي بيصاحبها الأعراض دي:
- شعور الشخص بالإحباط لعدة أيام.
- ظهور تغيرات في نمط النوم والشهية.
- مراودة الشخص أفكار انتحارية.
هنا ممكن تشوفي التأمل علاجك البديل للتخلص من الاكتئاب
-
علاج الاكتئاب الموسمي
في نوعين من علاج الاكتئاب الموسمي، الأول علاجات غير طبية، وعلاجات طبية:
- العلاجات غير الطبية:
- قضاء الوقت خارج البيت والتعرض لضوء النهار.
- تناول غذاء صحي يتضمن الفيتامينات والأملاح.
- ممارسة الرياضة بانتظام لمدة نصف ساعة تلات مرات أسبوعيًا.
- ممارسة النشاطات الاجتماعية.
- اتباع تقنيات الاسترخاء، زي: ممارسة اليوجا والتأمل.
- اتباع أساليب العلاج بالموسيقى والفن.
- العلاجات الطبية:
- العلاج بالضوء: وده طريقته إن المريض يقعد قدام صندوق بيطلع ضوء بيحاكي ضوء الشمس، لمدة عشرين لستين دقيقة يوميًا، لكن في حالات ممنوع يُستعمل معاها العلاج بالضوء، زي مرضى السكر وأمراض الشبكية واستعمال بعض الأدوية.
- العلاج بالأدوية
- العلاج النفسي
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
المصدر:
webteb.com
التعليق باستخدام حساب فيس بوك