محتويات المقال
مفيش طفل من ساعة الولادة مش بيتعرض لالتهاب الحفاض (الـDiaper Rash) وللأسف الموضوع بيكون متعب جدًا بالنسبة ليهم وممكن يخليهم ميعرفوش يناموا من كتر الألم، كمان إحنا كأمهات ممكن نحس بالذنب ومبنبقاش فاهمين عملنا إيه غلط وليه جالهم التهاب في منطقة الحفاض على الرغم من إننا بنبقى واخدين كل احتياطتنا..
النهارده هنتكلم معاكي عن أسباب التهابات الحفاضات وطرق علاجها.
أعراض التهاب الحفاضات
مصدر الصورة:Bepanthen- التهاب الحفاض
قبل ما نتكلم عن أسباب التهاب الحفاضات هنتكلم عن العلامات اللي لو لاحظتيها على طفلك تعرفي إنه بيعاني منه وهي:
- احمرار وتهيج الجلد في منطقة الحفاض وعند الأعضاء التناسلية وممكن يوصل للفخدين والمؤخرة.
- ظهور طفح جلدي زي الحبوب الصغيرة في المناطق دي.
- العياط الشديد أو الحكة وقت تغيير الحفاض.
- في بعض الحالات الشديدة ممكن يظهر جروح صغيرة أو إفرازات.
إيه اللي ممكن يسبب التهاب في منطقة الحفاضات؟
- في فصل الصيف مع الحر والعرق ممكن يحصل التهاب في منطقة الحفاض وخصوصًا إنها بتكون منطقة متغطية ومش بتتعرض للتهوية كتير.
- إستخدام نوع من الدايبر غير مناسب مع بشرة طفلك.
- عدم تغيير الحفاض المتسخ لفترات طويلة.
- عدم تجفيف المنطقة بعد التغيير بشكل كويس.
- حساسية الجلد أو الاكزيما.
- إستخدام نوع كريم حفاض غير مناسب لبشرة طفلك.
- الإسهال والنزلات المعوية ممكن تسبب التهابات في المنطقة.
- بعض أنواع الحساسية زي حساسية الألبان أو الطعام.
اعرفي أفضل كريمات تسلخات الأطفال لمنطقة الحفاض
طرق تجنب التهاب الحفاضات
مصدر الصورة: Raising Children Network – التهاب الحفاضات
- تغيير الحفاض بشكل دوري ومنسيبش الطفل بيه لفترات طويلة.
- إستخدام الميه وصابون الزيت الزيتون الطبيعي أو أي غسول للأطفال وتجفيف المنطقة كويس أوي بعد الغسيل.
- إستخدام كريم ملطف ومرطب مناسب للبشرة بعد كل مرة تغيير عشان تعمل زي طبقة عازلة بين البلل والبشرة.
- إستخدام النوع والمقاس المناسب من الحفاض واستخدمي مقاس مريح لطفلك عشان ميكونش ضيق عليه.
- حاولي تتجنبي إستخدام الوايبس في التغيير على قدر الإمكان وكمان الإبتعاد عن الأنواع اللي فيها كحول.
طرق علاج التهاب الحفاض
مصدر الصورة: momjunction – التهاب الحفاض
- إستخدام الكريمات المضادة للفطريات (بعد إستشارة دكتور الأطفال)
- إستخدام بعض الكريمات الملطفة اللي بتحتوي على مواد طبيعية ليها قدرة على العلاج وتلطيف الجلد من أول إستخدام زي الكريمات اللي بتحتوي على زنك اكسيد أو زيت زيتون أو ويت جوز الهند أو الفازلين.
- تهوية المنطقة لفترات طويلة في وقت الإلتهابات بيساعد على التحسن.
- الطرق الطبيعية زي إستخدام زيت الزيتون وزيت جوز الهند ممكن تبقى فعالة بس مش في حالات الالتهابات الشديدة فيفضل إنك تستشيري دكتور الأطفال اولًا.
نصايح عشان تستخدمي الدايبر بطريقة صحيحة
بنحب نفكرك إنك تستشيري دكتور الأطفال المتابع عن أفضل المستحضرات وطرق الوقاية المناسبة، ولو استمر لوجع أو الإحمرار مدة طويلة من غير تحسن لازم يكشف عليه وبنتمنى لأطفالكم دوام الصحة والسلامة.
اعرفي أسعار الحفاضات في مصر من هنا
التعليق باستخدام حساب فيس بوك