محتويات المقال
ضغط الدم المنخفض من الأعراض المشهورة اللي بتمر بيها سيدات كتير وخاصة في فترة الحمل، وبالرغم من إن ضغط الدم المنخفض ممكن ميكونش من الأمراض الخطيرة، لكن لازم الاهتمام بيه وبأعراضه عشان نتجنب مضاعفاته. وفي الموضوع ده هتتعرفي أكتر عن أعراض الضغط المنخفض وطرق علاجه طبيعيًا.
طريقة قياس ضغط الدم
طريقة قباس ضغط الدم بتكون عن طريق جهاز قياس ضغط الدم اليدوي “الزئبقي” أو الالكتروني ومعدلات الضغط هي:
- ضغط الدم الطبيعي: 80 سفلي-120 علوي (120 على 80)
- ضغط الدم المرتفع: من أول 90-99 سفلي و140-160 علوي (أعلى من 140 على 90)
- ضغط الدم المنخفض: أقل من 80 سفلي – أقل من 100 علوي (أقل من 100 على 80)
أعراض الضغط المنخفض
أعراض ضغط الدم المنخفض بتختلف من شخص لآخر وأشهر أعراضه هي:
- الدوار أو الدوخة.
- الغثيان.
- الإرهاق الشديد.
- تشوش الرؤية.
- قلة التركيز.
- في بعض الحالات الشديدة ممكن يحصل إغماء.
- سرعة التنفس وضربات القلب السريعة.
أهم أسباب وأعراض القولون العصبي .. وطرق علاجه في المنزل
طرق علاج ضغط الدم المنخفض بطريقة طبيعية
فيه بعض الطرق الطبيعية اللي ممكن تتبعيها عشان تتخلصي من ضغط الدم المنخفض ومن ضمنها:
- تناول الأكلات اللي بتحتوي على الأملاح ولكن بشكل معتدل.
- النوم مع رفع الجزء السفلي (الرجلين) لأعلى بس لفترة مش طويلة.
- شرب المشروبات اللي بتحتوي على نسبة معتدلة من الكافيين زي الشاي والقهوة والمشروبات اللي بتساعد على ارتفاع الضغط زي القرفة والزنجبيل.
- شرب المياه بكثرة.
- الحفاظ على نظام غذائي متوازن وتناول المكملات الغذائية والفيتامينات عشان تتجنبي الانيميا اللي ممكن تزود ضغط الدم المنخفض.
- تجنب الوقوف المفاجىء، أو الانتقال بين وضع النوم والجلوس أو الوقوف فجأة.
- تجنب الأماكن اللي بتحتوي على بخار كتير زي الساونا.
دليلك للتعامل مع الضغط المرتفع خلال الحمل وقبل الولادة
لو المشكلة متكررة عندك وبالذات في فترة الحمل، لازم تستشيري الطبيب المتخصص عشان تتجنبي أي مضاعفات لا قدر الله ويفضل إنك تحاولي تعالجي ضغط الدم المنخفض بطرق طبيعية قبل اللجوء للدواء وبننصحك ما تاخديش دوا من الصيدلية من غير ما تستشيري الدكتور المختص وبنتمنى ليكي دوام الصحة والسلامة.
تعرفي على مقاومة الأنسولين وأعراضها لو عندك
مصادر ساعدتنا في كتابة المقال:
Webteb
Mayoclinic
التعليق باستخدام حساب فيس بوك