مع الوعي بالأمراض النفسية، ناس كتير بقت تقول على نفسها أو على على حد تاني، ده عنده OCD أو وسواس قهري، وخصوصًا إذا كان الشخص ده مهتم بالترتيب والتنظيم، أو عنده دقة وإتقان في الشغل اللي بيعمله، لكن الحقيقة إن مش أي حد ينفع يشخص الوسواس القهري، لازم طبيب مختص هو اللي يشخص ويقرر العلاج، بس في بعض مؤشرات مهمة بتقول إن الشخص ده مصاب بالوسواس القهري، وعلى أساسه يبدأ يتوجه للطبيب، وفي المقال ده هنقول على أعراض وأسباب وعلاج الوسواس القهري:
ما هو الوسواس القهري؟
هو مجموعة من الأفكار والمخاوف غير المرغوب فيها، بتوصل لحد الوساوس، بتخليكي تعملي سلوكيات مكررة قهرية، لدرجة إنها بتسبب لصاحبها ضيق شديد وبتكون عائق في مسرة حياته اليومية.
طبعًا المريض بيحاول يوقف اللي بيحصل ده، فبيتضايق ويتوتر ويقلق أكتر، فده يخليه يزيد في السلوكيات القهرية دي، وهكذا لحد ما يدخل في دايرة مفرغة.
5 علامات بتقولك لازم تروحي لدكتور نفسي
ما هي أعراض الوسواس القهري؟
- الخوف من التلوث أو القاذورات
- الشك ومواجهة صعوبة في تحمل عدم اليقين
- الاحتياج الشديد للترتيب والتنسيق
- أفكار عدوانية أو مروعة حول فقدان السيطرة وإيذاء نفسك أو الآخرين
- أفكار غير مرغوب فيها، بما في ذلك العنف أو الموضوعات الجنسية أو الدينية
- الخوف من التعرض للتلوث من لمس حاجات ناس تانية لمسوها
- الشك في قفل الأبواب والبوتاجاز
- تخيل السواقة في الزحمة
- أفكار حول الصراخ بألفاظ بذيئة أو التصرف بشكل غير لائق في الأماكن العامة
- صور جنسية مزعجة
- تجنب المواقف اللي ممكن تحفز الوسواس، زي السلام بالإيد مثلا.
بوليميا وأنوريكسيا .. اضطرابات الأكل النفسية الأشهر وعلاجها
والأفكار دي بينتج عنها تصرفات زي:
- غسل الايدين لحد ما بشرتك تتأذي.
- فحص الأبواب بشكل متكرر للتأكد من قفلها
- فحص البوتاجاز بشكل متكرر للتأكد من إيقاف تشغيله
- العد بأنماط معينة
- تكرار الدعاء أو الكلمة أو العبارة بصمت
- ترتيب المنتجات المُعلَّبة عندك بحيث تأخذ نفس الشكل
ولو لاحظتي التصرفات دي بتتشابه مع التنظيم والتنسيق الشديد، علشان كده مش أي حد منظم نقول عليه عنده وسواس قهري.
أعراض الاكتئاب الموسمي وطرق علاجه
ما هي أسباب الوسواس القهري؟
لحد دلوقتي مفيش سبب طبي يقيني، نقدر نقول عليه هو اللي بيسبب الوسواس القهري، لكن في بعض الأسباب اللي ممكن تؤدي له، زي:
- اضطراب الوسواس القهري، ممكن يكون نتيجة لحدوث تغيرات في كيمياء الجسم الطبيعية أو وظائف الدماغ.
- الوسواس القهري ممكن يكون بسب مكون وراثي، ولكن لحد دلوقتي محصلش تحديد لجينات معينة، يكون لها دور في الإصابة بالمرض ده
- ممكن تعلم مخاوف الوسواس والسلوكيات القهرية من مشاهدة أفراد الأسرة أو يمكن تعلمها تدريجيًا بمرور الوقت.
علاج الوسواس القهري
غالبًا علاج الأمراض النفسية، مش بيكون إن المرض يخف تمامًا، لكن العلاج بيتركز على التحكم ومعرفة التصرف مع المشاعر والأفكار، والوسواس القهري لها علاجين، يفضل الجمع بينهم علشان تكون النتيجة أفضل، وهما:
- العلاج النفسي: وده بيكون عن طريق جلسات العلاج السلوكي المعرفي.
- العلاج الدوائي: وده اللي بيوصفها الدكتور، بس لازم تعرفي إنك ما ينفعش تغيري في جرعات الأدوية اللي الطبيب النفسي بيديهالك، ولا توقفي الدوا من نفسك
مع تمنياتنا ليكي بالصحة والمعافاة التامة.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
المصادر:
التعليق باستخدام حساب فيس بوك