محتويات المقال
تقوس الرجلين هو بعد الركبتين عن بعض في حالة الوقوف باستقامة مع وضع القدمين مع بعضها على الأرض. شكل الرجلين عند الأطفال بيتغير على حسب السن وعادةً في الأطفال الرضع بيكون بالفعل الشكل من بعيد فيه تقوس من عند الركبتين. ده بيتغير لوحده في عمر الـ18 شهر. وعادة وجوده ما بيأثرش على قدرة البيبي على المشي أو الحركة. لكن امتى نقدر نقول إن ابني أو بنتي عندهم تقوس الساقين؟ وازاي نعالجه؟ ده اللي هنعرفه مع بعض في المقال ده.
إمتى أقول ابني بيعاني من تأخر الكلام أو التسنين أو المشي
تطور ونمو الساقين والركبة عند الأطفال
- بيكون فيه تقوس لحد 18 شهر أو بالكتير جدًا لحد 24 شهر.
- من 24 إلى 36 شهر، الرجلين بيتظبطوا (الركب بتقرب من بعض).
- من سن 3-5، إما الرجلين بيفضلوا متوازيين، أو الركب بتقرب من بعضها (نسبة قليلة جدًا اللي بيحصل لهم كده).
- في سن 7-8، بيكون خلاص المشية اتظبطت والرجل شكلها اتظبط بشكل نهائي.
فنقدر هنا نقول إن تقوس الساقين المقلق بيبان من أول عمر سنتين.
أعراض تقوس الرجلين عند الأطفال
- الركبتين محنيين لبرا
- الانحناءين نفس المقاس بالظبط
- مشكلة في المشي
- مشط الرجلين باصص لبعضه
- الكعبلة كتير
امتى لازم تزوري الطبيب؟
- ابنك عدى السنتين ولسه الرجلين مقوسة.
- الانحنائتين مش قد بعض
- بيعرج
- فيه ألم في ركبته أو فخده.
- أقصر من سنه
مراحل النمو النفسي للطفل في السنة الأولى
عوامل هتساعد الطبيب المعالج
- سن الطفل وصحته العامة وتاريخه الصحي.
- مدى سوء الحالة
- سبب الحالة
- مدى تحمل الطفل لأدوية أو طرق علاج معينة
- شكل مشية الطفل
علاج تقوس الرجلين عند الأطفال
لو رجلين الطفل ما رجعتش لوحدها لطبيعتها المستقيمة، أو زاد تقوسها بعد سن السنتين، ممكن الطبيب يلجأ لحل من الاتنين دول:
- تقويم: وده جهاز بيتلبس في الرجلين وبيجيب نتيجة بعد شوية وقت من الاستخدام.
- جراحة: ودي بيحتاجوا لها في الحالات الصعبة قوي، شديدة التحديب واللي بتؤثر على مشيته.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
المصدر
https://www.childrenshospital.org/conditions/bowlegs
What’s your Reaction?
التعليق باستخدام حساب فيس بوك