زي ما فيروس كورونا بيهدد صحة الكبار فكمان الأطفال الصغيرة أقل سنتين معرضة للأصابة بيه للأسف، مع إختلاف بعض الأعراض وحدتها، اللي يطمن شوية في الموضوع إن معظم الأطفال أقل من سنتين اللي بيصابوا بكورونا بتكون أعراضهم خفيفة أو ممكن ميظهرش عليهم أعراض أصلا! علشان كده هنكلمك عن أعراض فيروس كورونا للأطفال أقل من سنتين بالتفصيل علشان تخلي بالك.
كمان حسب الأكاديمية الأمريكية لطب الأطفال إن الأطفال اقل من عمر السنة اللي اتصابوا بفيروس كورونا هما أكثرعرضة لخطورة الإصابة بأعراض شديدة وده غالبا بيكون بسبب إن جهازهم المناعي لسة ماإكتملش بشكل كللي وعشان كمان الشعب الهوائية في الجهاز التنفسي بتكون اصغر فبيبقوا أسهل للتعرض للمشاكل التنفسية بسبب الفيروس.
هنا دليلك لعلاج الكورونا في البيت
أعراض فيروس كورونا للأطفال أقل من سنتين
الأطفال المصابة بفيروس كورونا بتتعافي في خلال من أسبوع لأسبوعين وأعراضهم شبع أعراض الكباربس زي ما قولنا بيكون أعراض الأطفال في الغالب خفيفة وشبه أعراض الزكام. وممكن يكون من اعراض الإصابة:
- الكحة
- إرتفاع درجة الحرارة
- Runny nose أو سيلان الأنف
- صعوبة في التنفس أو ضيق تنفس
- إسهال
- ترجيع
- إلتهاب الحلق
- الطفل بيكون نفسه مسدودة ورافض الأكل
لو ظهرعلى الطفل أعراض وحسيتوا أنه ممكن يكون مصابًا بكوفيد 19، فلازم إستشارة طبيب الأطفال فورا حتي لو الأعراض بسيطة. ونحافظ علي عزل الطفل في البيت وبعيد عن إخواته من غير أي نزول بيه إلا في حالات إحتياجه الحصول على رعاية طبية.
ولو ظهر علي الطفل حاجة من الأعراض المتقدمه لازم تتوجهوا لأي الطوارئ أو أقرب مستشفى وهي:
- صعوبة في التنفس.
- تغير لون الشفايف والوش للوون الأزرق.
- وجع شديد في البطن “لو الطفل أقل من سنتين قدر يعبر عنه”.
كل شئ عن الارتجاع عند الأطفال .. أسبابه وأعراضه وطرق علاجه
وطبعا بسبب عدم وجود لقاح للحماية من فيروس كورونا للأطفال والرضع لسة وكمان إننا منقدرش نخلي الطفل أقل من سنتين يلبس كمامة، فإحنا مفيش في إيدينا حاجة قوية للوقاية غير إننا نحافظ علي نفسنا وعلي تباعدنا الإجتماعي وبالتالي تباعد أطفالنا، وتعليم الأطفال من أصغر سن تعليمات النضافة وغسيل الإيدين وكل طفل في البيت يكون له الفوطة والأدوات الخاصة بيه.
وكمان مهم نحافظ علي رفع مناعة ولادنا بالحفاظ علي الأكل الصحي ولعب الرياضة حتي لو في البيت والتفاعل مع الطبيعة علي قد ما نقدر في أماكن واسعة ومش زحمة.
المصادر:
التعليق باستخدام حساب فيس بوك