محتويات المقال
مرض البهاق هو مرض جلدي مناعي بيسبب ظهور بقع بيفقد فيها الجلد لونه، بيزداد حجم البقع دي مع الوقت، والحالة دي ممكن تصيب أي جزء من الجسم، وممكن تظهر كمان في الشعر وفي الفم من جوا. مادة الميلانين هي اللي بتحدد لون الشعر والجلد، والبهاق بيحصل لما تموت الخلايا اللي بتنتج الميلانين. البهاق مرض ممكن يصيب كل أنواع البشرة وبكل ألوانها، لكنه بيكون في أوضح حالاته مع أصحاب البشرة الغامقة، البهاق في حد ذاته مش مرض مهدد للحياة، ولا معدي، لكنه بيأثر بالسلب على نفسية المريض وبيسبب له توتر شديد. فيه علاجات بتحسن الحالة وممكن توقف تطورها لكن ده لا يعني إنه ممكن يرجع تاني في أجزاء مختلفة في الجسم.
حيل للتخلص من مشاكل البشرة الدهنية في الصيف
أسباب البهاق
في الحقيقة إن أسباب البهاق مش معروفة بشكل محدد، لكن فيه مجموعة من الأسباب بيعتبرها الأطباء إنها محفزة للإصابة بالمرض ده زي مثلًا:
- اضطراب المناعة الذاتية اللي بيحصل إن الجهاز المناعي للمصاب بيطور أجسام مضادة بتدمر الخلايا الصبغية.
- عوامل وراثية حوالي 30% من حالات البهاق بتكون وراثية.
- العوامل العصبية زي إفراز مادة سامة من الخلايا العصبية بتقتل الخلايا الصبغية.
- التدمير الذاتي وده بيحصل لما يظهر خلل في الخلايا الصباغية فتقوم بتدمير نفسها.
- عوامل نفسية
أفضل 10 كريمات تفتيح البشرة من الصيدلية بالأسعار
أعراض مرض البهاق
- ظهور بقع أفتح من لون الجلد بشكل متفرق، هتلاقي إنه بيبدأ بالذراعين والوجه والمناطق التناسلية.
- ظهور الشعر الأبيض في شعر الجسم زي الرموش والحواجب وشعر الرأس واللحية.
- الأنسجة المخاطية اللي بتبطن الفم والأنف بتفقد لونها.
أهم 8 زيوت طبيعية هتحل جميع مشاكل الشعر والبشرة
علاج مرض البهاق
هو فعليًا مفيش فعال ونهائي لمرض البهاق، كلها بتكون عبارة عن كريمات مضادة للإلتهاب وأدوية مثبتة لجهاز المناعة، ده فيما يخص الشق الدوائي. فيه نوع تاني من العلاج بيكون عن طريق الضوء، بيركز في الأساس إنه يوقف حجم المناطق المصابة، أو إزالة للون المنطقة غير المصابة بهدف توحيد لون الجلد.
هنقولك حقيقة أشهر 5 خرافات عن العناية بالبشرة
نصايح لمريض البهاق
- الاستخدام المستمر لواقي الشمس خصوصًا في المناطق اللي ظهرت فيها الإصابة.
- تجنب آشعة الشمس وخصوصًا في الأيام الحر.
- دايمًا اللبس يكون قطني علشان يحمي من أثر الشمس.
- السعي دايمًا إن الحالة النفسية تكون في أحسن حالاتها، لأنها بتأثر جدا على تطور المرض.
يوجا الوجه لمنع التجاعيد وشد البشرة
التعليق باستخدام حساب فيس بوك