انخفاض مستويات الكالسيوم في الدم، بيؤدي على المدى الطويل إلى تغيرات في الأسنان، وإعتام عدسة العين، وتغييرات في الدماغ وهشاشة في العظام. أعراض نقص الكالسيوم في البداية ممكن تبان بسيطة ومش مهمة لكن مع الوقت ممكن تهدد الحياة! حرفيًا نقص الكالسيوم في الجسم كارثة، بيحتاج علاج بشكل عاجل.
أهمية الكالسيوم
الكالسيوم مش بس متعلق بصحة العضم والأسنان، لكن له فوايد كتير تانية متعلقة بالعضلات والكلى ومشاكل المعدة وغيرها من الحاجات اللي ممكن نكون في غنى عنها لو بس أخدنا بالنا وظبطنا نسبة الكالسيوم، ودلوقتي خلينا نشوف أهم الأعراض اللي بتقولنا إن في مشكلة كالسيوم في الجسم.
أعراض نقص الكالسيوم
- مشاكل العضلات
- الأظافر والجلد
- هشاشة العظام
- شدة الدورة الشهرية
- مشاكل الأسنان
- الإحساس بالنكد والغم
مشاكل العضلات
بتظهر لكن تختفي بسرعة مع الحركة والنشاط، ودي أعراضها:
- التشجنات والآلام
- ألم الفخذين والذراعين عند المشي أو الحركة
- خدر ووخز في الإيدين والقدمين والساقين وحوالين الفم
أعراض الأظافر والجلد:
- جلد جاف
- أظافر مقصفة
- شعر خشن
- الثعلبة
- الإكزيما أو التهاب الجلد
- الصدفية
هشاشة العظام:
العظم بيخزن الكالسيوم كويس، لكن عشان ده يستمر فالجسم محتاج مستويات عالية جدًا من الكالسيوم عشان نتجنب هشاشة العظام خاصةً مع انخفاض كثافة العظام مع السن وظهور أعراض زي الترقق والهشاشة. ظهور الأعراض دي كلها بياخد سنين لكن لما بتبدأ بييجي وراها مشاكل كتير فعلًا.
النزيف في ميعاد الدورة الشهرية:
لو الدورة الشهرية بتجيلك بنزيف شديدة، وبيصاحبها نكد وحالة مزاجية سيئة قبلها وانحباس للسوايل في الجسم، كل ده هيكون أحسن لو واظبتي على فيتامين دال والكالسيوم خلال النص التاني من الدورة الشهرية.
مشاكل الأسنان
- التسوس
- هشاشة الأسنان
- تهيج اللثة
- ضعف جذور الأسنان
- ضعف نمو الأسنان عن الرضع
الإحساس بالنكد والغم
مش هتصدقي إن نقص الكالسيوم بيرتبط باضطرابات المزاج، والاكتئاب، وأحيانًا لو روحتي تشتكي من شعورك بالكآبة والحزن والغم والنكد للدكتور ممكن يطلب منك تحليل كالسيوم،
مين معرضين ييجي لهم نقص في الكالسيوم؟
- الناس اللي وصلت سن اليأس
- الناس اللي الدورة الشهرية عندهم بتقطع
- الأشخاص اللي عندهم عدم تحمل للاكتوز
- الأشخاص اللي بيمشوا على نظام غذائي نباتي
- الأطفال اقري كمان: علاج نقص الكالسيوم: حقن الكالسيوم للأطفال والرضع
إيه الحل؟
طبعا لو عملتي تحليل إنتي أو طفلك وظهر فيه مشاكل في نسب الكالسيوم، فانتي متاحة كالسيوم في صورة علاج هايوصفه الطبيب، لكن في العموم عشان تتلاشي نقص الكالسيوم في جسمك انتي وطفلك محتاجين تاكلوا أكل غني بالكالسيوم زي:
- منتجات الألبان زي اللبن والجبنة والزبادي
- الفاصوليا
- التين
- البروكلي
- لبن الصويا
- السبانخ
- الحبوب المدعمة
- المكسرات والبذور خصوصا اللوز وبذور السمسم
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
المصدر:
medicalnewstoday
التعليق باستخدام حساب فيس بوك