عيد الأضحى المبارك قرب وكل سنة وأنتم طيبين وبخير وبصحة وسعادة، وطبعًا الأجازة بتاعة العيد طويلة والولاد كمان أجازة، وهنقعد فترة طويلة في البيت أو المصيف.. وعشان قعدة البيت بتبقى زهق للولاد اعملي لهم نشاط عمل خروف العيد في البيت بأدوات بسيطة جدًا متوفرة في البيت وكمان بسعر قليل.. اقري المقال ده، وهنعرفك ازاي تعملي خروف العيد في البيت ب ١٠ جنيه بس.
إزاي تعملي خروف العيد للأطفال في البيت
الأدوات اللي هتحتاجيها
- كيس قطن صغير من الصيدلية وسعره بيبقى حوالي ٥ جنيه.
- صمغ أو مسدس شمع
- ورق أسود ملون
- ورق أبيض
- خلة أسنان
- مقص
اعرفي من هنا ازاي تشتري أضحية عيد الأضحى ولبس العيد بدون تدمير ميزانية البيت
الطريقة
- هاتي الورق وكوريه على شكل كورة والزقيه بالسيلوتيب عشان ما يتفكش.
- هاتي القطن وكوريه على شكل فروة الخروف. والزقيه بمسدس الشمع على الورق اللي واخد شكل جسم الخروف.
- هاتي خلة الاسنان والزقيها من تحت ولونيها بقلم أسود عشان ياخد شكل رجل الخروف.
- قصي الورق الأسود على شكل ودان وعيون الخروف زي الفيديو.
عيد الأضحى يعني أكلات لا تقاوم.. اعرفي من هنا أشهر أكلات عيد الأضحى .. هتخليكي توقفي دايت أيام العيد
وانتي بتعملي النشاط ده مع ولادك خلي بالك عشان فيه أدوات ممكن تعورهم زي مسدس الشمع وخلة الأسنان.
What’s your Reaction?
التعليق باستخدام حساب فيس بوك