أغرب حاجات الأطفال عيطوا بسببها!

محتويات المقال

طريقة الأطفال في التعبير عن نفسهم تقريبًا بتتلخص في حاجتين وهما: الزن أو العياط، طبعًا الزن والعياط في أول سنتين بيبقى ليه مبرراته زي المغص والتسنين والجوع والعطش وغيرهم كتير من المشاكل اللي بتخلي الأطفال تعيط، بس بعد سن السنتين لما يبتدوا يبقوا واعيين أكتر وبيتكلموا شوية أو يعبروا عن نفسهم أو بمعنى أدق لما بيبتدي سن الـTerrible Twos بتبتدي الأسباب اللي بتخليهم يعيطوا تبقى مش مفهومة، غريبة، مريبة، شقلبت مفاهيم ونظريات كتير حتى نظرية النسبية عند آينشتاين مرحموهاش كل حاجة نسبية عند آينشتاين الا عياط الأطفال النظرية بتيجي عن عياطهم وبتتبخر زي أحلام الأمهات إنهم يناموا نوم كويس أول 3 شهور، لو آينشتاين نفسه كان عايش كان عمل نظرية العياط والزن الامنطقية الى المالانهاية وما بعدها.. نظرية غير مسببة وغير مفهومة اللي هو انا هعيط بسبب ومن غير سبب عايز آكل؟ هصوت! عايز أنام؟ احنا مستحيل نقفل عينا ونريح جسمنا عال سرير ده شغل بتاع العيال التوتو انما احنا هنفرك 20 ساعة ونصوت 500 ساعة زيهم بس عشان عايزين ننام.. طبعًا من حقهم يعيطوا ويعبروا بس لو بسبب حقيقي ومفهوم بس في الحقيقة 90% من الأوقات مش بنبقى فاهمين هما بيعيطوا ليه وغالبًا ممكن نفضل سنين في حيرة زي حيرة الفنانة روبي وهي بتسأل طب ليه بيداري كده؟ وهنا هنوريكم مشاكل نهاية العالم والحرب العالمية التالتة ومآسويات الألفية الجديدة عند الأطفال.